將會喺十二月同未婚夫賴弘國喺香港擺酒嘅鍾欣潼（阿嬌）忙緊籌備婚禮嘅同時，早前，佢再次為代言咗十年嘅醫美品牌DR REBORN拍攝全新一輯廣告。
作為藝人兼準新娘子，keep住個靚樣幾時都係最重要，阿嬌話：「好多時因為日夜癲倒嘅工作時間，皮膚根本冇時間休息，出去做嘢又受到日光傷害，毛孔同色斑問題即刻出現。」佢話咁多高能量儀器當中，代言品牌嘅Discovery Pico皮秒激光就最幫到手，「呢個嶄新科技比傳統激光更快見效，仲唔駛擔心反黑問題，慳番好多皮膚管理嘅時間。」講到同品牌已經合作咗十年，阿嬌話覺得好難得，「因為大家理念相同，無論係個人或者品牌，喺多方面不斷鍛鍊先能夠優化同進步，亦係達到目標嘅重要條件。」
除此之外，關智斌（Kenny）繼上年同品牌合作後，今年再度成為代言人，大晒肌肉。為咗今次廣告拍攝，Kenny三個月前已經開始食營養餐單、做大量運動同埋進行美型儀器療程。喺拍攝廣告嘅十個鐘入面，為咗呈現爆肌效果，一唔駛埋位嘅時候，Kenny就拎起自己帶去影樓嘅健身器材做運動，又掌上壓、又Ab Wheel Exercise，實行谷爆胸肌同腹肌。完成拍攝後，Kenny第一時間走去食雪糕:「我等咗成日就係為咗呢個雪糕呀！我成個月冇食過甜嘢！」之後一邊食一邊好冧咁話：「嘩！太好味呀、好味呀！好味到好似想生仔咁呀。」
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|