黃子華喺台上講嘅時候已經講到哽咽喇！
藝人黃子華最後一次棟篤笑騷，前晚有邱淑貞夫婦、陳法蓉、江希文和名媛黎曉靈（Kimmy）和子華好兄弟林祖輝等都有捧場。子華於台上更提到自己第一次開棟篤笑時，擔心銷情慘淡而到處貼街招宣傳，當年幸得祖輝仗義幫忙，期間更講到哽咽。當子華於後台遇上祖輝時，即忍不住相擁淚灑。
祖輝回覆東網時坦言大家都很感動：「佢唔知我嚟嘅。（幫佢貼街招？）當時90年代，佢第一場騷，我去紅館幫佢攞表，申請文化中心嗰場，又一齊度「棟篤笑」個名，仲一齊夜晚去銀行門口貼宣傳海報，真係好好兄弟，就連沙士年代佢開騷，我都幫佢派口罩畀觀眾入場。」
做香港人
兩個大男人相擁落淚的場面，後台中的嘉賓無不感動，其中Kimmy稱後台不少人也看到眼濕濕，被兩人的友誼感動。原來Kimmy細細個已經很喜歡子華，而她的好姊妹江希文，又因有份參演的子華的經典劇集《男親女愛》，所以一齊捧場：「後來知道佢要金盆𠺘口，我當然第一時間撲飛，因為我之前未睇過佢嘅棟篤笑。」她稱全晚令她最難忘的是子華提醒了大家原來做香港人是一件得值得驕傲的事：「佢講番香港喺八十年代，佢形容嘅黃金華年代，係幾咁繁榮豐盛，曾幾何時做香港人係好有型，但係我哋忘記咗呢樣嘢，多謝佢提醒。」
來源 source: http://hk.on.cc
|
鍾意就快D Share啦！
|
|
|
