黃子華最後一次棟篤笑騷，圈中唔少藝人嚟到捧場。尋晚(8/7)邱淑貞夫婦、陳法蓉、江希文及名媛黎曉靈(Kimmy)，仲有子華台上提到一位好兄弟林祖輝(姚嘉妮老公)。
子華講當年佢秒一次開棟篤笑時(在文化中心)，因為銷情慘淡，唯有到處貼街招宣傳，當時幸得林祖輝仗義幫手，期間更講到哽咽，而台下做觀眾嘅林祖輝已經淚流滿面。
完騷後，黃子華唔知今晚提及嘅好兄弟原來係觀眾之一。佢一返到後台見到林祖輝，兄弟情義即令佢忍唔住攬住林祖輝係咁喊，場面真係好感動。棟篤笑後台充滿淚水，陳法蓉見狀即大嗌:「除褲、除褲！」打圓場(每晚開騷，觀眾唔係叫回水，係叫子華除褲)，聽到呢句，後台即有番笑聲，包括破涕為笑嘅主角黃子華。
- 子華一返後台，先知呢位仗義兄弟來捧場，一見面感性嘅子華亦攬住對方係咁喊。
- 子華神今日嘅成就，相信佢為每一個幫過佢嘅人心存感恩。
- 喊到收唔到聲，子華問助手攞紙巾。
- 子華抹淚，林祖輝拍拍佢安慰
- 陳法蓉同黎曉靈尋晚撐子華場，陳法蓉仲為子華後台爆喊打圓場。
- 邱淑貞同老公沈嘉偉都係撐場客。
來源 source: http://nextplus.nextmedia.com
|
鍾意就快D Share啦！
|
|
|
