掃呢頁CODE去手機

2018年7月21日 星期六

岑麗香:離巢無綫簽約祖藍!岑麗香:長駐香港 __,無綫,王祖藍,祖藍,岑麗香,

原來香香簽咗畀祖藍!藝人岑麗香(香香)上月宣布離開無綫,此後便動身飛返加拿大休息,今日終於蒲頭出席商場活動。休息了一個月的她容光煥發,席間除了母愛氾濫 ...


原來香香簽咗畀祖藍!


藝人岑麗香(香香)上月宣布離開無綫,此後便動身飛返加拿大休息,今日終於蒲頭出席商場活動。休息了一個月的她容光煥發,席間除了母愛氾濫與小妹妹設計孖辮造型外,又為懷孕中的好姊妹李亞男布置蛋糕。雖然盛傳她有喜,但現場所見,她腹部平坦,兼穿上5吋高踭鞋,沒有半點孕味。

簽約王祖藍旗下

香香透露於加國的日子非常充實,既出席老公弟弟及表弟婚禮,又趁機陪婆婆,又飛到法國拍廣告,而且笑指老公強強未有同行,令她購物時相當自由。談到工作去向,香香表示剛與王祖藍旗下的手工藝工作室簽了合約,她謂:「同無綫係完咗之前簽嘅7年約,約滿覺得係時候休息同陪屋企人,我都仲係好鍾意拍嘢,不過幾多錢同年期就唔講喇。(之後集中電視、電影定內地發展?)去大陸要做好多功課,廣東話我都學咗7年,咁學少少普通話都唔怕嘅,依家我都逼強強講廣東話,我買餸都講,但強強講講吓又講番英文。(新公司時間自由啲?)我需要多啲時間,都滿意嘅,之後都長駐香港。」

努力造人

對於有指她離巢全因要返加國造人趕生B,香香笑指正為造人計劃努力中,但與無綫關係仍然友好,故不排除他日有機會再合作。問到可有向祖藍取生仔經?她謂:「佢哋好明顯有努力過我就順其自然,努力中。(亞男有冇催你快啲生?)冇,反而叫我唔好咁大壓力,催都係講笑,順其自然最好,咁我都收到好多tips嘅。(你知亞男BB性別?頭先揀蛋糕配色揀藍色?)唔知,正想問點解冇黃色,等佢自己宣布」更指二人BB最好集合他們身上的優點。

恭喜陳凱琳

談到前港姐陳凱琳下月結婚,香香表示以前於公司經常遇見對方,但認為現階段不便問其私人事,但若然是真定必恭喜。

--------------------

東網已全面支援360影片及相片,讓你全方位睇盡新聞大事,恍如置身現場,立即登入東網360網頁: http://on.cc/360/

如仍未更新東網App,請按此連結收睇360影片: https://bit.ly/2uDAk2x


來源 source: http://hk.on.cc
鍾意就快D Share啦!