陳志雲前晚在理工大學賽馬會綜藝館舉行「志雲尋志雲登陸舞台演嘢會」頭場，同性密友王喜由頭撐到尾，兩男大膽玩「出櫃」，現場播出他們穿禮服玩交換戒指片段，字幕甚至打出「just married」。
當一對「新人」出場，全場觀眾尖叫，志雲與王喜還稱對方「雲雲」和「喜喜」，打情罵俏，講到前度更爆出火花，王喜說：「如果我要揀女人，我都揀宣萱」志雲說：「原來你同宣萱真係一齊過。」志雲作狀發脾氣兼怪王喜催促：「催催催，崔建邦呀！你以為我真係鍾意佢？佢份人頭尖額窄，冇嚟貴格，佢仲打女人㖭。」
志雲用共融話題寸無綫：「以前兩間電視台可以轉嚟轉去，不過以前無綫去亞視嘅人就真係返唔到轉頭，撞鬼囉，𠵱家無綫啲人都係亞視嘅。」志雲續說：「行人專用區同無綫好似，最似係山頭主義。不過藝人好鍾意山頭主義，好似我好鍾意陳豪，就係珍姐個山頭嘅，好似梁家樹叫佢拍劇都唔敢拍。」最後謝幕，志雲鞠躬時說：「我仍然好愛TVB嘅，我冇恨過崔建邦，亦都從來冇愛過佢。」
英式幽默自嘲
志雲後台訪問時，講到當年王維基用1,000萬力邀他為港視拍二十集劇，志雲解釋：「佢邀請我，我冇出聲，佢就當我推咗。」志雲前晚開騷狂寸無綫，他重申：「其實我好愛TVB，但一台獨大唔係好事。」講到志雲跟王喜充滿愛的短片，志雲直言：「係我諗，王喜話『冇乜所謂，都呢個年紀喇』，我就當呢個係英式幽默。」
此外，王祖藍為志雲騷做嘉賓，祖藍謂老婆李亞男預產期在年底，現在買嬰兒用品、裝修及公佈性別，全由太太話事。
採訪：盧妹
攝影：林賓尼
|
鍾意就快D Share啦！
|
|
|