90年代，香港娛樂圈好興旺，好多人都想喺度分一杯羮，好多江湖人開電影搶藝人，吳雪雯曾經拒接三級片而被打。36F蔡慧敏自爆被禁锢72小時。張栢芝亦因為老豆鬍鬚勇得罪人而接到江湖姦殺令。連湯盈盈拍戲時亦曾經被摑，搞到報警求助。
當年索爆嘅吳雪雯都有遇到惡人，93年，佢被指應承拍三級片《那個少女不多情》，之後又話唔接，結果就喺深夜灣仔鬧市，被人圍毆，仲打斷咗兩條肋骨。
有個江湖老豆嘅張栢芝，99年紅到發紫，喺新加坡做緊唱片宣傳時，突然收到江湖姦殺令，要佢父債女償。搞到栢芝返香港即開記者會，雖然講到明唔會因為惡勢力就範，不過佢出名孝順，咁多年嚟幫老豆還咗好多錢。
36F大乳牛蔡慧敏都自爆過喺台灣搵機會，同啲片商老闆飲酒應酬，不過講錯嘢而被禁錮，仲要喺密室72個鐘，嚇完一輪先放佢出嚟。
平日嗲聲嗲氣嘅湯盈盈，唔知自己幾時得罪人，08年拍劇時俾金毛當街摑咗幾巴，仲叫佢收口，湯盈盈根本唔知發生咩事，最後唯有報警求助。
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
