今次大意過頭喇！
藝人姚子羚（Elaine）以低胸裙到尖沙咀出席美容活動，同場還有擔任司儀的陳偉琪，不過陳偉琪期間不慎露膠紙。
妹妹冇興趣入行
Elaine即場為模特兒化妝展示功力，相當熟手。問有否與索主播妹妹饒慧珊互相化妝？她笑言：「講到我妹妹呀？唔知大家點樣發現到佢，希望大家手下留情。佢比較怕醜啲，大家讚佢身材好過我，佢係叻女，好專業成熟。」問會否姊妹檔接Job？Elaine笑言：「好似湯洛雯同佢妹妹咁？有都可以，但佢對於做藝人呢方面唔係好有興趣，始終佢唔係藝人，依家街上有人認出佢都話怕醜，有啲唔慣。」
到訪東非
講到她早前與李施嬅、胡蓓蔚、陳自瑤到馬來西亞拍《姊妹淘》，她笑言好開心可以與姊妹出行，不過今次行程太趕，因此沒有享受於靚泳池游水，但能夠到農場親親大自然亦是不錯的體驗。她更透露將會與李施嬅到東非旅行，但因施嬅打錯預防針險未能如期成行：「因為出發前一個月要打針，我哋九月去，好彩仲Book得切！今次去睇動物大遷徙，都算係圓咗我其中一個心願，不過呢個夢想有啲貴，出發先要再接多啲Job先。」
來源 source: http://hk.on.cc
|
鍾意就快D Share啦！
|
|
|