男友林耀聲嬲到爆
沙律被人揩油，男友林耀聲當然最肉赤！昨日他接受訪問，被問到有否聽過女友呻？他說：「佢向我提起過，但係邊個我就唔方便透露。」他直斥該男星行為極不專業：「我所認知嘅拍攝，係應該喺任何情況下尊重女性，如果有任何想法要提出，喺觸碰對方前必須明確溝通，同埋必須有導演在場，由導演同演員一齊討論。唔應該喺冇先兆下，就向對手作一啲肢體上嘅接觸，會令對方覺得唔舒服或反感，除咗影響整場戲嘅效果，亦會破壞人與人之間嘅信任！」
他亦覺得女演員若遇到不尊重情況，不應怕事啞忍。這次事件，他很心痛女友遭不尊重對待，以及承受怕反被責怪誤解的壓力：「我唔會畀佢一個人獨自面對，經過同佢討論後，沙律明白若遭遇不必要接觸而感不安，應如何提出同如何溝通，同埋呢個唔止係佢一個人嘅事，而係明辨大家對『尊重』嘅共識。」
羅伊婷：識嗰位演員
此外，沙律好友羅伊婷亦大表驚訝：「我都識嗰位男演員，唔知佢係咁嘅人，亦相信唔係誤會，因為我喺啲導演、幕後度聽過。佢（指沙律）不嬲懵盛盛，畀人博咗懵先如夢初醒，我當然戥佢唔抵。我哋做女演員嘅，有陣時都會蝕底啲，要自己提高警覺，睇清楚劇本係咪真係有需要肢體接觸，小心為上。」
來源 source: http://orientaldaily.on.cc
|
鍾意就快D Share啦！
|
|
|
