「E Cup沙律」張沛樂遭男藝人「鹹豬胸」
擁有33E索爆身材的女藝人「沙律」張沛樂，向來是不少男士的幻想對象，胸前偉大為她帶來工作機會，但亦多次引來鹹豬手，令她不勝其煩，當中更曾有圈中人借試戲為名，突然向她攬頸撞胸，令沙律驚覺有人乘機抽水。
「沙律」張沛樂擁有33E、23、34.5火辣身材，年前因拍攝旅遊片穿泳衣出鏡，炸爆全港宅男眼球！網上擁有十萬粉絲大軍的她今年工作多多，拍廣告、出寫真遊記、教健身又組女子電競隊，並接拍多部電影，雖然戲份未算太重，但總算有機會發揮演技。日前她穿上泳衣接受專訪，舉手投足散發性感魅力，她直言驕人身材有助演藝圈發展，但亦有不少煩惱！
當時不懂反應
近日圈中有傳她被男藝人借故抽水，問到有否其事？她沉思一會後，道出曾與一名男藝人合作，對方突然主動加擁抱戲，雙手環抱其頸部並以上身撞胸，但她當時不懂反應：「可能佢過分投入，仲喺個角色度，令我有啲感覺唔舒服。（覺得有心博懵？）我覺得唔合理，如果劇情需要當然OK，但唔需要未Roll前突然話試戲，又冇知會我，就突然攬埋嚟。」
問到再見面會否尷尬？她說：「我唔會嘅，同一個圈始終有可能遇到，但下次合作會講清楚，應該問吓導演有冇需要加戲。（將來拍親熱戲會有陰影？）唔會，都有其他好專業嘅人，會講清楚手放邊，一Cut就鬆手。」
舊愛猴擒即刻分手
沙律不肯透露男方是誰，觀乎她入行後拍過不少網劇、電影及網上短片，跟她合作的男藝人為數不少，曾先後與梁漢文、林子聰、張建聲、陳安立及海鳴威等飾演情侶，拍攝安全套廣告跟男Model亦有床戲。而沙律近日在網上甫相，表示頻頻發怪夢導致睡得不好，未知是否因被抽水影響心情？
不僅圈內，她坦言身材突出經常引來「好色之士」，令她感困擾：「細個啲嗰陣有個男友，一拍拖就帶我去停車場意圖上下其手，嚇到我即刻分手，亦試過好多次喺街畀人起（月爭）撞胸，有次仲畀人連續兩次摸Pat，但因閉路電視拍唔到，報警都冇用。」
肥仔聰：我肚腩大難胸貼胸 梁漢文張建聲：冇身體接觸
跟沙律拍戲演過一對的林子聰（肥仔聰）表示做親密戲會先得到女方同意：「我哋拍之前有問搭膊頭得唔得，唔好就改拖手，總之會問清楚，唔會亂加戲。（怕成為嫌疑人？）冇諗過，胸貼胸？我肚腩比較大，要練吓縮肚先做到呢件事。」
曾跟沙律拍床戲的梁漢文說：「我同佢拍嗰場所謂床戲，只係意識上，其實拍時只有佢一個人瞓喺床度，我哋冇任何身體接觸o架。」張建聲指跟對方合作過《向西聞記》，但只得一場文戲，無身體接觸，並着對方若真的遇到不尊重的情況，應立即向導演及監製講。至於陳安立也直言冇親熱戲：「反而同其他女仔有親密戲，同沙律就冇身體接觸，都係眼神交代感情。」
|
鍾意就快D Share啦！
|
|
|
