陳智燊憶起首年回流，要寄居婆婆屋企，亦找不到門路入娛樂圈，感到很迷茫：「當年諗住如果今年冇藝訓班，就參加港男，但好彩當年冇參選，泳褲look唔會俾大家見到，哈哈。」Jason感激無綫多年來給予不少機會，但亦坦言捱了不少鹹苦：「頭幾年都要捱，試過銀行剩番五十幾蚊。」
漂泊的日子，隨着Jason成為明珠台節目《港生活．港享受》固定主持，以及娛樂新聞台主播而終結，這段日子亦為Jason訓練出一副伶牙俐齒，但他的演技卻一直受網民批評。Jason在11年拍處境劇《誰家灶頭無煙火》成功入屋，翌年即擔正與鍾嘉欣拍《幸福摩天輪》，不過僅此一部，之後皆變回男二，甚至配角。原來多年來Jason也有留意網民意見：「當然我未去到黎耀祥咁好戲，我冇正式讀演藝或者喺A記（亞視）浸過好長時間，只係一直喺公司學嘢，真係好難比較。咁當然可以再好啲，身邊人畀嘅意見我全部有參考。」
告別辛酸日子，Jason坦言現在都有點儲蓄，他笑說：「我覺得嚿錢可以再大啲，所以先要出去闖下，嚟緊有小朋友冇得再爽，目標就係要為個家付出，40歲嘅我更加要加把勁。」
來源 source: http://hk.entertainment.appledaily.com
|
鍾意就快D Share啦！
|
|
|
