讀書不成才當性感模特兒？不過，不時以性感示人、深受宅男及龍友歡迎的女模簡幗儀（Lilian Kan），就打破這行的花瓶形象。
原來Lilian中學畢業於名校聖母無玷聖心書院，及後取得理工大學時裝及紡織系碩士資格，畢業後她沒安份找一份設計師工作，反而繼續做模特兒，五年前用更白手興家，以約廿萬資本開了一間時裝設計公司。她這幾年來設計過的晚裝、婚紗，以及成衣逾數百件，明星如薛凱琪是捧場客，又為動漫展Show Girl設計服裝等。
但是女神亦有不如意時，試過公司陷入財困，冇父幹又冇投資者，怎辦？Lilian靈機一動，想到開設「閨蜜影相」，仿照婚紗相服務，女顧客與三五知己可著她設計的晚裝，或者婚紗，再由專人化妝及髮型設計，每次拍攝收費6,000至8,000元，收入可觀。Lilian強調，「我開完之後見到好多公司都做呢個動作，但係我都幾肯定我係第一個去做呢件事。」
有生意頭腦的Lilian，舖頭卻沒有開在旺區地舖，而是樓上舖，就連顧客來購物亦須預先預約，或待每月兩日的Wardrobe Sale（服裝展銷）。
為何選擇開樓上舖？「一個地舖都要十幾萬，倍數都起碼爭五、六倍，啱啲嘅樓上舖就四、五萬。」Lilian解釋租樓上舖可壓低成本，「好多客人上網會買衫，是對我有些認識，有見過我地啲野，所以未必要擺一個好旺的地方吸納新客，反面係網上做好宣傳。」
Lilian的舖頭同時是工作室，員工在此接單及處理設計工作，平日不會對外開放；每月只有兩日Wardrobe Sale，會讓客人上來挑選心頭好，但依然不愁生意。她設計的一件晚裝裙售價達數千元，同一款式的一日內可賣出十多件。
賣衫賣到有價有市，她點出自己賣衫的一套哲學：「當每個人都有的時候就唔特別，所以每次wardrobe sale就有個一件，然後下次就無架啦。我希望可以做到個scarcity（稀少性），你會知道過左呢次就買唔到下一件，所以全部都係期間限定。」原來她堅持自家設計衣服不會大量生產，一來好些手工繁複，須由人手製，二來希望帶給顧客擁有獨一無二製品的感覺。
身為設計師的Lilian稱自己創作靈感澎湃、洶湧，反而是生產時間太慢，配合不到她出款的速度。「我可能諗到十款的時候，先幫我做到一款出黎。」因此，她希望將來可有一條穩定的生產線，又壯志雄心謂：「我希望自己的牌子世界各地的女仔都可以著到，我相信我自己系可能呢十年裡面都做到！」
撰文：邱嘉幸
攝錄：鄭樹清
來源 source: http://nextplus.nextmedia.com
|
鍾意就快D Share啦！
|
|
|
