作為牛津大學舊生的林作，批評周博士所介紹的博士後，就如旅行團，尤其是行程表是參觀車廠、科技園和温莎古堡等，均是遊客必到的地方，「課程含金量好低，純粹當你係貴賓招待，很難想像係學生，我睇唔到有學術性，只係了解英國更多。」林作說。
「它並非一個學位，博士已經係最高學位，之後才是研究，研究係唔應該有證書，但近年我懷疑好多大學想賺取更多收入，可能會設計一些具備證書的課程，但必須注意，課程跟學位是兩個不同級別。但我深信好多人為求在飯局說得頭頭是道，尤其博士後再加上牛津的名字，我相信會很搶手，係好適合現代的香港華人社會營商人士。」
至於教育中介人遊說記者報讀，可有利子女將來入讀牛津，林作力斥說法有誇大之嫌，他解釋皆因牛津和劍橋是眾多精英大學中，最無法透過父母或任何人關係入讀，情況跟美國長春藤大學有所不同，「這是公立大學，入學條件需秉公辦理，唔似私立般自由決策，要對國家負責，我當年報讀大學時，面試及填表均唔會問我父母身份。」
至於記者訛稱僅預科畢業，中介人也拍心口稱無問題，林作說：「你連大學學士學位都無，點可能俾你連升三級讀博士後課程，單張亦有列明例外，除非如政府官員、學院導師或商業機構高層才獲接納，級別相差太遠怎有可能。」
請槍「代做功課」令他更匪夷所思，他指出近年閱過不少新聞，不少人非常痛恨中國學生抄功課，考試作弊，他很難想像牛津大學會容許這種低劣行為。
陶傑閱過招生簡介後，最令他印象深刻是一班華人面孔站在牛津校園內的大合照，「據我所知，如果未得到牛津許可，係唔可以一整隊人走入佢哋他一吋土地，一字型拉橫額拍照，更何況是進入他們的課室上課，除非相中是橫店的布景，我覺得唔可能話牛津當初唔知情和唔批准。所以我覺得會否當初收了錢，依家覺得玩大左，或者當初收錢以為係大陸人前來拍戲，但發現唔係咁樣，原來真係咁樣去收取學生，才臨時褪軚。」
「不過我覺得呢種係文化交流，說明是強國，即係如你是中國人，據聞在法庭拍照也可以，點解唔可以在牛津拉隊拍照，你現在做咩都得，我又不能咁苛責。」
陶傑語帶諷刺地說。
被問到有否興趣「增值自己」，他說：「只需俾6萬英鎊，可以到牛津讀書兩星期，獲得一個博士後銜頭，絕對超值！現時在香港手持約70萬就連一個劏房都買唔到，無法置業，咁倒不如交學費買個牛津博士後銜頭，將來可以橫行大陸或者東南亞。」
陶傑狠批招生簡章的英文誤用美式串法，就連簡單如小學生都懂的眾數也寫錯，犯下低級錯誤，令人啼笑皆非。
採訪：艾馬
攝影：攝影組
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
- 牛津舊生林作批課程有如遊學團，學術性含金量不足。
- 陶傑
來源 source: http://nextplus.nextmedia.com
|
鍾意就快D Share啦！
|
|
|