掃呢頁CODE去手機

2018年8月18日 星期六

【假的真不了】上月同陳志雲「結婚」 王喜唔陪雲雲食湯丸 __,志雲,王喜,陳志雲,

採訪、攝影:盧妹
採訪、攝影:盧妹上個月佢同陳志雲扮結婚,今個月呢份情不再喇,佢話七夕唔會對方食湯丸。王喜今日喺灣仔會展出席活動,以二撇雞造型現身,佢話:「因為月尾要做 ...


上個月佢同陳志雲扮結婚,今個月呢份情不再喇,佢話七夕唔會對方食湯丸。 上個月佢同陳志雲扮結婚,今個月呢份情不再喇,佢話七夕唔會對方食湯丸。

王喜今日喺灣仔會展出席活動,以二撇雞造型現身,佢話:「因為月尾要做舞台劇《慾望街車》,有葉童、陳志雲同石詠莉等等,留鬚唔難呀,不過要日日好似女仔修甲咁,我就要修鬚。」

講到呢兩個月佢與陳志雲為舞台劇經常見面,記者笑問佢哋今晚會唔會齊齊食湯圓慶七夕?王喜話:「冇呢啲傳統,亦唔想建立呢個習慣,做咩啫?」事緣係咁…早前王喜喺陳志雲個演嘢會度着晒禮服又交換戒指,佢哋仲話結咗婚添(新聞連結: https://bit.ly/2L2ZblA ),王喜即笑住回應:「你哋喺電視睇到好多嘢都係假㗎,我強調係假,我就嚟要開個『真的假不了』記者會㗎啦。」

另外,提到有線娛樂組外判,身為創作總監嘅佢,覺得只係第二個模式合作:「我哋想滿足到大眾、又可以賺錢畀老闆、又有大啲空間去持續發展。」王喜強調會繼續製作高質素節目予大眾。

精選娛聞,喺晒《娛果》

http://fb.com/appledailyent


鍾意就快D Share啦!