天王劉德華年底開紅館騷，下月四號才開售，有人已開始在售票處外排隊。昨日凌晨，柴灣青年廣場售票處外，一名內地男子被人用刀襲擊，送院治療。事件發生後，有人無懼被襲危機，更趁機排個靚位。
記者今天到訪柴灣青年廣場售票處外，排第二位的市民身穿背心短褲，地上墊有報紙，以垃圾膠袋遮掩個人物品。斬人新聞沒有嚇怕他，反而為他製造機會，「我尋日下午一點幾睇新聞，話啲人都走哂，咁最大機會係呢度，就嚟呢度排。」擔心會再有襲擊事件嗎？他信心十足：「應該唔會有第二次，因為警察、保安都巡得好密。尋日有反黑組嘅人嚟登記所有人嘅名。」
他說自己請了十日大假排隊，又自備麵包及水，準備長期作戰，「間中屋企人會嚟幫我睇住，我可以買個飯盒食。」他指希望買到最前排的票，但不肯就偶像劉德華多說幾句，「（鍾意咗劉德華幾多年？）秘密。（最鍾意劉德華啲咩？）唔想講。」
現場有兩個帳篷，分別佔據第一位及第三位，排第四位的是一名南亞裔人士，他指不知道自己在排甚麼，亦不知道劉德華是誰，只是因為朋友要回家洗澡所以才叫他來幫忙排隊。
撰文：鄭靖而
攝影：李育明
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
