熱爆娛樂: 【回憶返晒嚟】鈴木保奈美再拍織田裕二重溫《東京愛的故事》慰劇迷 _

2018年9月12日星期三

【回憶返晒嚟】鈴木保奈美再拍織田裕二重溫《東京愛的故事》慰劇迷 __,保奈美,鈴木保奈美,

富士電視台開拍日版《Suits》（金裝律師），由織田裕二擔任男主角，搵嚟《東京愛的故事》好拍檔鈴木保奈美再拍「月9」劇，造就「莉香」同「完治」相隔27年再度合體，電視台已為新劇開Twitter公開花絮片段。

《Suits》係由英國皇妃梅根馬克爾（Meghan Markle）演出嘅人氣律師劇，今次被富士翻拍成日劇，由織田裕二夥鈴木保奈美拍檔，織田飾演為成功不擇手段嘅王牌律師，鈴木保奈美就演織田所屬嘅法律事務所所長，其他演員陣容仲有人氣女星新木優子、中村杏及尊尼偶像中島裕翔等，硬撼同季由米倉涼子主演嘅朝日電視台律師劇《Legal V~前律師．小鳥遊翔子~》。

富士為全力造勢，宣佈本周五起至本月28日、逢星期一至五重播《東京愛的故事》，係事隔14年來再於當地電視上重溫呢套經典日劇。

精選娛聞，喺晒《娛果》

http://fb.com/appledailyent

日版《Suits》鐵定10月8日開播。	 中村杏演織田裕二秘書。	 《Suits》開社交網公開花絮。
 鈴木保奈美演織田所屬嘅法律事務所所長。	 富士台宣佈重溫《東京愛的故事》慰劇迷。	 望靠《東京愛的故事》全力催谷新劇。