掃呢頁CODE去手機

2018年9月19日 星期三

逃稅風波:范冰冰涉逃稅 李冰冰唔怕查:我只做合法事 __,冰冰,范冰冰,李冰冰,

李冰冰話自己合法吸金,唔怕查稅!內地女星李冰冰出席頂級製錶品牌寶齊萊香港專門店揭幕活動,身為品牌全球形象代言人嘅冰冰參與剪綵同點睛儀式,心情大好嘅佢全 ...


李冰冰話自己合法吸金,唔怕查稅!


內地女星李冰冰出席頂級製錶品牌寶齊萊香港專門店揭幕活動,身為品牌全球形象代言人嘅冰冰參與剪綵同點睛儀式,心情大好嘅佢全程以廣東話回答記者問題。講到佢擔任荷里活電影《極悍巨鯊》(The MEG)女主角,酬勞有番咁上吓,問驚唔唔驚稅局追稅?冰冰即刻收起笑臉,好嚴肅咁話:「我只會做合法的事情。」至於問到有冇留意范冰冰捲入逃稅風波一事?冰冰隨即示意身邊助手解圍,助手就對記者講:「唔好意思,我哋唔回應喇。」

為電影苦練英文

不過一講番電影嘅嘢,冰冰就變得滔滔不絕,問到做荷里活電影女主角,近期係咪經常講英文?冰冰好自豪咁話:「大家做一個見證,見證一個唔識英文嘅人慢慢學會。(有語言天分?)可能啦,好多人都咁講,自己好鍾意學語言、好鍾意廣東話,平時有聽廣東歌。(每日花兩三小時學英文?)拍戲時由朝到晚個腦都係英文,用時間一點點學會。」佢仲大讚片中男主角積遜史特咸(Jason Statham):「Jason好好人,完全冇架子,最記得有次佢主動過嚟話同我排戲,真係好感動,再去搵佢排,佢亦好Welcome、仲讚我,佢話如果要佢學中文拍一套戲,佢真係做唔到。(電影票房收得?)係呀,票房第一,全球收五億美金,好驕傲可以拍到呢套戲,冇預咁高票房。」

唔收片酬拍攝

冰冰亦大讚導演好好,當佢係個女咁,做得好會抱抱同錫錫佢,仲話呢個動作係「老外」嘅一種禮貌。至於會唔會開續集?冰冰就話:「應該會,要問公司。(期待再演?)可能啦,做過一次已經好值得,雖然自己唔熟水性,但拍到已經好開心。(票房好會加片酬?)你(記者)話事啦。(加片酬好正常?)係呀,值得的。」問會唔會想同香港導演合作?冰冰都話希望有機會,仲話如果劇本好,可以唔收片酬拍攝!


來源 source: http://hk.on.cc
鍾意就快D Share啦!