港男內地老婆即離婚搶公屋 足本版： https://bit.ly/2x1W7B3
每對夫妻離婚，總有他們的理由。但他怎也想不到，自己身體出現毛病，最需要別人照顧的時候，妻子竟然狠心撇下他。
52歲的陳添勝，06年經鄰居介紹下，認識來自潮州的太太玉卿，兩人認識一年就結婚，次年誕下女兒。添勝任職船廠工人，月薪約$13000，夫婦婚後申請公屋，13年獲配大圍美田邨公屋單位，生活美滿。可是，他去年不幸患上漸凍人症，半年間，他變得肢體僵硬，無法走路及說話。這時候，妻子竟突然要求離婚，更奪去了女兒的撫養權。
因雙方仍未就住屋達成共識，三口子仍住在一起，妻子更要他在客廳睡，「太太知道他患病，就唔再理佢，叫佢去院舍。大難臨頭各自飛，只能共富貴，不能共患難，她嫌棄佢係一個包袱，所以立即離婚。」陳添勝親姊氣憤地說。
「佢係病人，唔能夠睡在硬板床上。無論日夜，他仍然坐在大廳木梳化，每當躺下時就無法起床，所以只能安坐，不能躺臥。每天上落床均很辛苦，需要慢慢移動身體靠向床，好彩物理治療師幫忙，揾到善心人捐出電動病床，否則唔知點算。」她續指，漸凍人症是沒法醫治，手腳會彎曲，無法把東西拿起來，情況會一直衰退下去，她從網上得知患者僅得幾年壽命。弟弟現時只能靠藥物控制病情，每日服用中藥調理身體及減輕痛楚。
「平時佢好紮實和健康，唔明點解患上呢個病，突然變成咁，我哋內心好唔舒服，
最可憐係得唔到家人支持，每次獨自到中環求診，佢太太話每次去完都唔舒服，其實係佢根本唔想接觸呢個病，擔心之後要一世背負包袱，她不想。」
姊姊憶述稱，前妻在離婚時已說明，家中東西分開一人一半，不會幫他洗衣服，最離譜的是，前妻冷漠無情直指添勝只能食、如廁和睡覺三件事，無法幹什麼，跟廢人無分別，「咁講對病患者當然唔好，心靈創傷，佢已經好難受，仲要聽太太咁講，心情已經跌到谷底，如果我哋仲唔理佢，佢會放棄自己，依家有我哋照顧同鼓勵佢，佢總算係有點希望。帶他周圍行下，令他心情好一點，唔好胡思亂想。」
她狠批前妻和女兒絕情，對親人視若無睹，床邊的三個尿壺滿瀉也無人處理；弟弟亦試過三日沒有洗澡，全身和頭部均發出異味。「出院後，女兒都未叫過一聲爸爸和姑媽，唔好話清理小便，媽媽係點樣教導女兒？兩母女外出，佢一個人無法攞食物，身旁有麵包，就只能食麵包。覺得佢好可憐，就算我哋返工，每日均輪流前來照料他，煲中藥俾佢飲，幫佢洗操、刷牙，食早餐等，處理所有事情後，我們兩姊妹才能回家煮飯。」
陳小姐狠批社署社工失職，曾致電求助，豈料對方卻以家庭糾紛為由沒有跟進，著自行解決，「係咪要發生命案先至跟進，社工負責做咩？社工唔係要跟進家庭問題嗎？佢哋分居期間仍同居已經唔好，一定產生拗撬。」
上週日，記者向陳添勝前妻玉卿求證，她對記者來訪甚為不滿，拒絕讓記者拍攝，更說要報警，「你跟他係咩關係？點解咁清楚，你係佢太太？我唔識你，唔會同你講。」她怪責記者只單方面聽取某一方指控，對她不公平，記者續稱可讓她說出自己的想法，但她卻拒絕。
立法會議員張超雄指出，根據事主傷殘需要，特殊情況下可獲體恤安置，「事主離婚後，當然另一半無責任照顧佢，但事主係需要別人照顧，由於行動不便，居住地方也應該可以加大。」他認為社署社工如屬綜合家庭服務中心，有責任協助事主申請體恤安置，如符合綜援個案，設有特別護理津貼替其聘請外傭24小時照顧，讓他繼續留待社區，不用送到院舍。
而揭發這件事的，是月薪車長大聯盟漸凍人關注小組。該小組召集人葉蔚琳指出，政府對漸凍人關注度很低，患者病情很快急轉直下，沒有自理能力，成立組織目的是希望能集結群組力量，亙相支持及提供援助，讓社會作出關注。
採訪：艾馬
攝影：鄭樹清
立即下載Apps，隨時隨地睇盡時政專題、深度偵查、娛樂熱話！
按此連結： http://bit.ly/next28app
|
鍾意就快D Share啦！
|
|
|