2018年9月26日 星期三

【爆相爆片】躁底叔以為冇得上巴士 怒摑車長 __,爆相爆片,

躁底叔以為冇得上巴士 怒摑車長,其他乘客紛紛落車。
中秋佳節,大家都離不開同家人食飯賞月,開心過節咪幾好,但因乜解究,元朗呢位阿叔咁躁底,問候巴士司機娘親之餘,仲要郁手兜巴星,結果搞到過節都俾阿Sir「 ...


中秋佳節,大家都離不開同家人食飯賞月,開心過節咪幾好,但因乜解究,元朗呢位阿叔咁躁底,問候巴士司機娘親之餘,仲要郁手兜巴星,結果搞到過節都俾阿Sir「的」返差館?



讀者何先生做完節,由上水搭278P九巴返元朗,當11點幾去到又新街準備埋站時,由於前面有巴士頂住,司機先畀乘客落車,駛前少少再畀人上車,點知一位阿叔,一上車就粗口橫飛,以為司機唔畀佢上車。司機不甘受辱,上前理論,點知阿叔出手,一巴摑向對方,司機嘴角受傷。



「其實雙方都有唔啱,大家冷靜啲就冇事。」好多乘客最終都要落車,而何生就選擇行廿分鐘返屋企。據悉,九巴已經搵涉事司機了解,由於司機受傷,點都係受害一方,所以唔會處分嗰位司機。警方回應話,當晚11點幾,姓翁(35歲)司機被姓溫(49歲)乘客襲擊,司機嘴部受傷需送院,該名乘客涉嫌「普通襲擊」被捕,交由元朗警區刑事調查隊第七隊跟進。



你敢爆,我敢獎! 立即WhatsApp《蘋果》24小時爆相爆片熱線致電:63836568




鍾意就快D Share啦!
Related Posts Plugin for WordPress, Blogger...