蘇志威同埋大女去咗睇JJ演唱會，蘇志威話係送畀大女去讀書前嘅禮物。
圈中好多廿四孝好爸爸，就算工作再忙都將家庭放第一位，好似藝人蘇志威咁，結婚多年零緋聞，就算大女Yumi選舉唔讀大學，去追逐夢想學整甜品，呢位爸爸都支持到底，難得係老婆劉小慧都思想一致，放心畀大女去做自己喜歡嘅工作。今日蘇志威就上載大女同林俊杰合照，透露Yumi將會到日本深造學整甜品，呢個好爸爸話：「禽（尋）晚中秋佳節冇去賞月，約咗大女兒Yumi去欣賞林俊傑演唱會，JJ被譽為‘行走中的CD’果然名不虛傳😁👍🏻。呢個咁精彩嘅演唱會亦係我送俾（畀）Yumi去日本讀書前嘅禮物。今朝一早親自送佢去機場✈️✈️，希望佢好好學習！」
另一邊廂，同為好爸爸的林盛斌（Bob）中秋佳節適逢佢生日，Bob就同老婆仔女，一家人切蛋糕仔慶祝，佢留言話：「以前，今晚一定劈到天光；而（依）家，選擇一切簡簡單單！
多謝大家祝福，大家都身體健康。」
來源 source: http://hk.on.cc
|
鍾意就快D Share啦！
|
|
|
