掃呢頁CODE去手機

2018年9月10日 星期一

陳展鵬:關單文柔事!陳展鵬英國影婚紗相有原因 __,單文柔,展鵬,陳展,陳展鵬,

係愛呀!藝人陳展鵬宣布與單文柔(Phoebe)結婚!原來兩人已於法國、英國影婚紗相,相中可見兩人笑得相當甜蜜。展鵬接受bigbigchannel訪問, ...


係愛呀!


藝人陳展鵬宣布與單文柔(Phoebe)結婚!原來兩人已於法國、英國影婚紗相,相中可見兩人笑得相當甜蜜。展鵬接受big big channel訪問,問到何時決定結婚?陳展鵬笑言:「其實喺心入面計劃咗好耐,但可能性格問題,我覺得可以承諾、時間啱先會講。」

至於在哪裏求婚?他謂:「香港求嘅,我哋去英國亦有啲原因,睇番單文柔想唔想講,佢成日都覺得我未必夠膽喺街頭度求婚,而佢好喜歡英國同埋喺個度讀書,我希望留住呢一刻回憶,就做咗呢個畫面畀佢,喺英國影婚紗相亦有好多小插曲,好多嘢都係去到當地再買,好似我套西裝咁,因為想再有唔同既嘢,今次影相亦好刺激,除咗可以同大家分享,拍既時候亦驚畀人影到,有一張畀人放上網,成件事就會穿咗,所以成個過程好刺激!」

陳展鵬透過短訊錄音公布喜訊:「大家好,好多謝大家嘅關心,好開心,今日可以宣布,我嚟緊將會結婚,大家應該都睇咗啲文章關於我寫嘅心聲,內容我就唔再重覆,好多謝公司,無綫批假畀我同Phoebe。其中有一張相,喺係英國巴士出面影嘅求婚相,呢樣嘢係我欠咗Phoebe,要做埋呢一Part,佢先應承,所以個日喺街度就影咗呢張相。我同Phoebe十月會正式簽字結婚,會同兩家屋企人食晚餐慶祝,至於仲有乜嘢安排,到時再同大家講,再次多謝大家嘅祝福。」

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!