今天是中秋節，作為家長的鄺文珣及混血名模Cara G.雖然背景大不同，但同樣希望下一代感受和認識中國傳統節日，奈何鄺文珣的一對兒子最想打機過節，反而住在離島的Cara，一家四口好想認識傳統習俗。
「三號情人保護我」
鄺文珣日前帶同兩子到黃婉曼位於鰂魚涌的麵包學校，跟導師學整彩虹潮式酥皮月餅應節，10歲的Cadence和8歲的Casper用心學習。鄺文珣平日都有與兒子一齊下廚，她表示兩兄弟在家各有貢獻：「佢哋會幫手做家務，Cadence有時會洗碗，Casper就係滅蟲組長。佢會殺死啲曱甴，拎住都唔驚，所以佢係三號情人保護我。」
明日「追月」是細女Chesney的1歲生日，今年中秋多了家庭成員，兩兄弟搶着提供慶祝方法，Casper建議食麥當勞，Cadence就想有糖果食之餘，更加想玩遊戲機，且理直氣壯說：「因為妹妹鍾意睇我哋打機，我想等妹妹大個一齊打機。」Casper表示認同：「呢個係traditional。」
至於來港十多年的Cara，婚後選擇留港生活及工作，誕下一對女兒India和Frejia的她，年前為遠離壓力跟污染的城市，一家四口租住貝澳獨立屋過着平淡生活。
採訪：楊定、羅慧敏
場地提供：Rise
 【磅份量】鄺文珣和兒子專注聽導師講解學整彩虹潮式酥皮月餅應節。 | 
大仔Cadence（中）學整月餅，搓皮時相當用心。 |
|
鍾意就快D Share啦！
|
|
|