掃呢頁CODE去手機

2018年9月11日 星期二

【十指緊扣解放軍】加入大台陪六叔睇戲 曹眾軍舞團出身唱得又跳得(足本版) __,六叔,大台,曹眾,邵逸夫,TVB,

講到曹眾,第一時間諗起佢係六叔愛將。原來佢仲有一個紅噹噹嘅背景⋯⋯曹眾11歲加入解放軍,因為唱得又跳得,被派入軍中歌舞團,之後仲接受過軍訓。93年曹眾 ...




講到曹眾,第一時間諗起佢係六叔愛將。原來佢仲有一個紅噹噹嘅背景⋯⋯

曹眾11 歲加入解放軍,因為唱得又跳得,被派入軍中歌舞團,之後仲接受過軍訓。93 年曹眾加入大台,深得六叔歡心,第一套劇集《華探長》已經擔正做女一。之後仲俾力棒同傅明憲、彭子晴、姚瑩瑩同陳彥行做「五美」。可惜一囗鄕音局限,曹眾嘅角色唔係做新移民,就係做小三,好快就被貶做女配角,不過喺六叔嘅心目中,地位一直冇變。

當年每逢大場合,曹眾經常傍住六叔隔離。仲有傳佢嘅出現,另到六叔另一愛將葉璇失寵。之後曹眾仲俾人影過同六叔十指緊扣去食飯睇戲直落。除咗深得六叔歡心,曹眾另一代表作,就係喺音樂劇《星願縈我心》入面,飾演鄧麗君。因為曹眾嘅聲線同樣貌,都同鄧麗君有幾分相似,被讚「似足真人」。

11年曹眾秘密嫁俾北京商人,仲生埋個女,而家主力搞飲食生意。曾經做過解放軍,又做過政協,曹眾喺內地滿佈人脈,除咗開咗5000呎餐廳「文鼎壹號」,仲近年成功將「聰嫂甜品」帶返內地。 家陣家庭同事業都得心應手,近年養尊處優嘅佢,難怪心廣體胖

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

鍾意就快D Share啦!