掃呢頁CODE去手機

2018年10月20日 星期六

【每日壹爆〡賭王太子攻略】四太扶植25歲仔猷亨 豪掟50億發圍搏入澳博核心 __,四太,梁安琪,猷亨,賭王,何鴻燊,

富二代打骰多由小項目做起,今次輪到賭王何鴻燊四房長子猷亨首次擔大旗,負責50億的港元路氹度假村項目。該項目由四太、澳博(880)聯席主席梁安琪私人出錢 ...




富二代打骰多由小項目做起,今次輪到賭王何鴻燊四房長子猷亨首次擔大旗,負責50億的港元路氹度假村項目。該項目由四太、澳博(880)聯席主席梁安琪私人出錢投資,原址空置逾十年,前日簡介會上終由猷亨拍板預定兩年後落成,並宣佈命名為「葡京人」。「殼后」朱李月華的父親李惠文,以及賭王頭馬李志強,亦有出席齊撐猷亨。

在一眾叔伯父面前,年僅廿五歲的何猷亨主持推介會時落力表現大將之風。被問及如何看年紀輕輕就要「擔大旗」,他直言「係後生咗啲嘅,做壇咁大壇嘅野,但唔做呢,收埋架啦塊地,所以一定要做。」他亦不諱言想在澳博董事局佔一席位:「入董事局唔係我想就想架啦喎, 呢個視乎整個董事局決定。有咁嘅一日,有機會咁梗係好架!我梗係想架,我唔會唔想架喎,係咪先?」

猷亨亦十分識做,稱項目每一個意念皆是因為「我父親何鴻燊博士」:「成個澳門我見唔到一個真真正正代表澳門的project,我睇返我父親當年係澳門60年代開始的發展,我就覺得當年有好多嘢大家都係唔知架喎,咁我作為佢個仔,係咪應該將呢個元素攞返返黎,承傳落去?」

對於項目曾傳出會興建Hello Kitty主題樂園,猷亨指政府只批今次的發展用地,故沒地方建主題樂園。他嘗試顯露幽默,當提及設有Line Friends主題酒店時指:「我都係中意啤啤多過貓。」他又解釋計劃在酒店大堂擺放「識飛嘅雞」,是由於自己「好中意Sally」及生肖屬雞。

四房子女各有所長,猷亨的姐姐超盈開文化公司,弟弟猷君及妹妹超欣均是「學霸」,一同出身於麻省理工學院,其中猷君更自小被譽為「數學天才」。

本刊早前報導,四太欲將二子猷亨攝入宮,鞏固在何家的勢力,惟惹來老臣子質疑猷亨「仲細仲係貪玩」。從英國回流的猷亨,與林作十分「老友」,緋聞女友包括陳瀅、陳凱琳,以及劉佩玥等大台姐仔。

對於猷亨嶄露頭角,四太梁安琪感到欣慰:「母親的角度去睇,咁我當然見到佢咁努力,希望佢更加努力。勤力去做野呢,係學到野囉,呢個我都開心。」其實四太著力提拔猷亨,旗下的尚嘉地產去年在香港推出首個一手住宅項目「灣仔壹嘉」,亦有讓猷亨參與一嘗搞地產滋味。

至於這個位於澳門東亞運動會體育館旁的度假村項目,佔地約10.6萬平方米,料最快2020年落成,現時工地與澳博正在興建的另一度假村「上葡京」僅一街之隔,雙方正商討以天橋連接及加強合作。若項目最終為澳博帶動收入,有望表現猷亨「考牌」成功,增加入董事局的成功率。

記者視察工地現場發現一片荒蕪,附近一帶只見地盤工,要走約十五分鐘才能抵達最近的巴士站。有當地人稱一直以為該地會興建主題樂園,聽到取消時感到可惜,「周圍都係酒店賭場,本地人無咩地方去。」

撰文:邱嘉幸

攝錄:王晴

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

鍾意就快D Share啦!