邊個係人邊個係鬼，阿B喺呢四年分清分楚，佢最感動係范姜不離不棄！
歌手鍾鎮濤（阿B）接受電台主持人梁泰來訪問，談及97年金融風暴後而負債，更於02年宣布破產，阿B謂於破產四年間飽受人情冷暖：「覺得自己喺呢四年裏，最自豪就係應付人哋嘅白眼，尤其係圈內人跟紅頂白，有啲人會喺你當紅時對你好，而有啲就會喺你失意時對你嘲諷。當時唯一能夠做到嘅就係跳出自己嘅身體，以第三者嘅目光去分清楚誰是真正嘅朋友。」他補充現時的朋友都是經過那四年過濾的真朋友，亦記得當時曾受過導演的面色和白眼：「其實佢畀我睇面色都冇咩好處，甚至覺得曾對我白眼嘅人係好傻，我又唔會問你借錢，又唔會求你畀工作我，到後來當我走出低潮後，又有人會突然變臉，完全對我改變態度，呢段低潮令我睇到好多嘢。」
范姜攞私己錢支持
阿B於台灣宣傳唱片時，在一個聚會邂逅現任太太范姜素貞：「我同佢並唔係一見鍾情，佢係一位好好嘅傾訴對象，經過幾次約會後，不知不覺間成為情侶。最感動係當年我自己嘅經濟狀況都支持唔到，佢攞出私己錢嚟支持我，並唔係金錢上嘅問題，而係前路茫茫都唔知道點走落去。記得喺破產前，02年好深刻，我叫佢離開我返去台灣，佢條件好好，冇必要同我一齊受苦，當時大家都落淚，佢死都唔願離開，可能係佢前世欠咗我。」
來源 source: http://hk.on.cc
|
鍾意就快D Share啦！
|
|
|
