由陳貝兒主持的無綫節目《嫁到這世界邊端2》，感動了不少網民，而經歷過婚姻失敗的貝兒，因為感受極深而集集喊。即將播出的一集（22/10）主角為法羅群島人妻、曾任空姐的Belle。
隱世小島
法羅群島位於挪威海和北大西洋之間，是鄰近冰島的一個人口僅僅五萬的隱世小島，在這樣一個小島，有一個年輕香港空姐，從九龍半島嫁到法羅群島，嫁給俊朗律師的浪漫愛情故事。
似白馬王子
節目中貝兒對Belle感覺是：「佢本身係一個空姐，好斯文好nice，今年28歲，而同樣28歲的老公Rani，好似法羅群島白馬王子咁，好純情，好怕醜！二人相識係於Belle大學時候，大家做交流生，兩人就喺宿舍邂逅。係Rani對Belle一見傾心，當時Belle都好多人追，不過佢就對Rani情有獨鍾，因為喺佢身上搵到一種久違的單純。」
重燃愛火
「二人相識始2011年嘅大學生交流生計劃，交流生涯完畢，各自返回家鄉，但久久未能忘記對方，終於喺三年前，愛火重燃，兩人展開超遙遠嘅異地戀，每次要見面探對方，就要飛足三程飛機。每次見得一星期，離開時好痛苦，掙扎過後，最終Belle為Rani放棄香港一切，今年6月，終喺法羅群島正式注冊結婚。」
得一間商場
婚後生活，Belle稱：「喺呢度感覺真係好似時光倒流一百年咁，呢度生活還原基本步，遠離現代社會嘅商業文化及繁華、夜店、消遣場所，都一律欠奉，整個國度，竟然只得一間商場！喺首都搭巴士係免費㗎，每日準時五點，老公放工坐嗰班車就會駛到、老婆就上車、大家再搭多一個站就可以去附近超市買餸喇，一間普通超市，就已經係全國最大型超市！」
呷醋原因係…
原來Rani係譚詠麟（校長）歌迷，當貝兒向校長提及時，校長亦拍片祝福二人新婚快樂，片中校長大讚Rani有眼光，除了娶得香港女仔為老婆，更識得揀偶像。Rani看到此片，亦甜絲絲微笑，其妻Belle亦呷醋謂：「未見過佢望住第二個人會笑得咁甜！」
|
鍾意就快D Share啦！
|
|
|