黃秋生同張松枝昨日到葵涌拍攝港台消防劇集《火速救兵IV》時，透露母親有病入院，所以一度想辭演《火》劇。而說到母親現時情況，秋生表示：「都唔會冇乜事。媽媽身體唔係太好，噚晚收到醫院電話，連最後一場都拍唔到就要趕去醫院。」他又指母親多病痛：「好多病，我都唔知仲有乜，腎功能退化，唞唔到氣同去唔到水，我估只剩聽覺同觸覺，睇唔到，講唔到，冇乜意識，其實係等緊時間。」（新聞連結： http://bit.ly/2NYTpmF ）
秋生指母親情况有少少影響工作心情，唯一希望她能舒舒服服安詳離開。豈料今日下午，秋生母親不幸與世長辭。
黃秋生今日接受《蘋果》電話訪問表示：「我下午去睇佢，陪咗佢兩個鐘，姑娘話要換片，我晏啲再嚟，走咗之後call我返去，唔知點解今日咁塞車，返到去啱啱走！依家搞完啦，call晒啲親戚，啲表親又去晒，送埋佢入殮房。」談到處理亡母身後事，秋生說：「係呀，搞好晒。」問到是否要停工？他說：「唔係，港台兩日啫，跟住工作可以延後就延。」
|
鍾意就快D Share啦！
|
|
|