謝霆鋒即場炮製港式漢堡包，當講到王菲時他立即封口。
藝人謝霆鋒與連鎖快餐店合作推出香港風味的漢堡包，並在發布會上即場炮製漢堡包，同場還有經理人霍汶希。他表示今次花了很多心機設計了兩Set漢堡包，全部都是香港的味道：「自己都試咗好多次，好多嘢想做，有啲可能係太黐線，但慢慢推到極限。（點黐線法？諗過例如乾炒牛河？）都係㗎，所有香港嘅嘢，總之希望有突破。」
問可有給身邊人試食？他說：「冇呀，好機密，係中央廚房，喺地底。（有冇畀兩個仔食？）遲啲先啦，再講。」他亦謂為了今次為創作食了很多個包，是人生一日內食得最多包，笑言肥了。對於外界指快餐店食物都是垃圾食物，他解釋：「今次我哋用嘅材料同埋醬都係昇華咗，係行高端路線。」講到之前為宣傳到了旺區快閃，他說：「係呀，去咗啲有香港特色嘅地方，都拍咗兩日幾。」
搶期開騷一肚氣
提到他很受歡迎，問何時會再開騷？他表示：「搶緊期，瘋狂到香港好似淨係得演唱會睇咁，搶期搶到出年年底或者2020年頭先有期。」他亦有考慮過在中環海濱場地開騷，但擔心落雨。至於好友陳奕迅亦會在同一地方開慈善騷？他表示有想過開慈善騷，但自己開騷要視乎場地及氣氛：「亦對企位有要求。（你個人ready咗開騷，只係差場地？）要睇埋製作，希望唔係開一個集體回憶嘅騷，係要有重新經歷嘅騷。」
另外，講到內地有「限酬令」，他表示：「政府有乜都會跟住做。」問他可用回水？他擰頭說：「我邊度高呀（片酬）？」但講到有指女友王菲酬勞達1億，要回水9,000萬，他即笑笑口說：「唔好亂講。（對佢有冇影響？ ）呢啲唔答喇！」
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|
