網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年10月2日 星期二

老公患癌自揭陰暗面 胡美儀研究心理學釋懷 __,癌,

胡美儀坦言因兒時遭父母離棄而不懂與人溝通,直至她接觸心理輔導,才學會面對內心的陰暗面。
胡美儀坦言因兒時遭父母離棄而不懂與人溝通,直至她接觸心理輔導,才學會面對內心的陰暗面。70年代出道的歌影視紅星胡美儀,在鏡頭前演盡人生悲歡離合,但原來 ...


70年代出道的歌影視紅星胡美儀,在鏡頭前演盡人生悲歡離合,但原來在鎂光燈的背後,她的人生亦歷盡起伏跌宕。早前胡美儀接受《蘋果》專訪,自揭被家人離棄,在寄人籬下中度過童年。拼搏大半生,遇到同行知音毛俊輝,但當二人準備步入教堂卻發現未婚夫患癌。共同抗癌的日子過後,胡美儀卻依舊不快樂,直至攻讀心理輔導後,她才明白助人自助的道理,更學會了釋懷。

撰文︰祖李

攝影:陳俊強

跟胡美儀做專訪,原以為話題離不開演戲、唱歌、粵劇做生意,畢竟77年入行的她,無論歌影視粵劇都有她的身影,甚至94年暫別娛圈,做過美容公司的高級行政管理人員。但原來,胡美儀講得最多的,竟然是她花了五年時間、今年六月修畢的心理輔導學學士課程,她雀躍地說︰「我揀心理學,係因為我曾經俾人輔導過,令我搵番快樂。五、六年前我出書《快樂與我共舞》,就係剖白自己內心黑暗面。揭晒啲衰嘢出嚟咪好囉!呢張係藥單嚟。」



胡美儀於04年嫁予毛俊輝,當時毛患胃癌,但她選擇了不離不棄。圖片 胡美儀於04年嫁予毛俊輝,當時毛患胃癌,但她選擇了不離不棄。圖片
92年胡美儀首度演出舞台劇《一籠風月》,即奪得香港戲劇協會「最佳女主角」。資料圖片

92年胡美儀首度演出舞台劇《一籠風月》,即奪得香港戲劇協會「最佳女主角」。資料圖片
胡美儀77年至93年為無綫拍劇,曾跟不少花旦合作。資料圖片

胡美儀77年至93年為無綫拍劇,曾跟不少花旦合作。資料圖片

遭父母離棄

胡美儀表示在學習心理輔導的過程中,學懂明白自己,從而令她了解別人:「其實好多嘢簡唔簡單都係睇自己,電視台都可以好簡單,你一拍完嘢就走都可以,但如果你內心有問題,就算去到邊個群體你都係唔舒服。學習心理學令我明白自己點解會唔開心、點解會麻木。𠵱家同人溝通,我明白原來對方憤怒當中係有恐懼,原來對方係因為恐懼失控,用憤怒嚟表達,睇嘢會睇得深好多。」

別以為胡美儀現在總是笑口常開,她坦言從前負能量滿瀉,對人失去信心,她更坦言從前不懂與人溝通,直至五、六年前,她接觸心理輔導,才找到開啟自己心靈的鑰匙,學會面對內心的陰暗面。她說:「我出世三個月就俾親生父母放低咗,被送去唔同屋企長大,呢啲缺失好影響我對人嘅信任,或者冇安全感,呢啲我全部都經歷過,如果成長有缺失嘅人同我傾偈,我會好明白佢哋嘅情況同感受。例如婚姻我第一段婚姻係離異收場,之後再有仔女、孫仔,都好影響佢哋成長。」胡美儀自言以往不愉快的經歷,令她多了一份同理心,更易明白別人感受,「不幸」反而是她的優勢。

胡美儀的「不幸」,又豈只是她的童年。當年與香港話劇團藝術總監毛俊輝結婚,亦令她嘗盡「苦頭」。02年胡美儀與毛俊輝到談婚論嫁時,未婚夫卻確診患上胃癌。當時胡美儀內心掙扎,但最後她都選擇如期結婚,陪丈夫一起抗癌,輾轉16年,胡美儀說每天都當丈夫患重病,因為這是夫婦感情最好的保鮮方法。她說︰「多謝老公十幾年前嘅癌症,因為佢唔知有冇命,做化療都話得三成把握,後來佢好番,我就覺得我哋係『沒有明天的婚姻』,所以𠵱家永遠都十指緊扣,十指間中唔可以有石仔『銀』住,咁就過咗十幾年,好多時身體語言勝過千言萬語,我哋用行動去證明愛。」

胡美儀說丈夫患病期間,身邊朋友仍難以察覺她的情緒起落,「嗰陣時我依然如常工作,我嘅一貫作風,係唔開心嘅嘢會冚住先,先面對工作。對一個從小就識搵出路嘅人嚟講,我表面控制情緒嘅能力好強。」胡美儀續道:「你諗吓,我四歲已經揸住個鎚仔揼瓜子,又要踎喺街邊摘芽菜,因為我明白摘完芽菜之後就可以有粒波子糖。乜苦我都試過,加上嗰陣因為有信仰,我同丈夫都係基督徒,嗰陣主帶我哋走過深谷。」



胡美儀曾在不少無綫及亞視劇集演出,03年她在亞視劇《萬家燈火》飾演馮寶寶情敵。劇照

胡美儀曾在不少無綫及亞視劇集演出,03年她在亞視劇《萬家燈火》飾演馮寶寶情敵。劇照
胡美儀07年與粵劇名伶梁漢威演出《珍珠衫》。資料圖片

胡美儀07年與粵劇名伶梁漢威演出《珍珠衫》。資料圖片

睇戲做橋樑

其實,77年參加《聲寶片場》獲總決賽冠軍出道的胡美儀,80年代時演過不少電視劇,其後92年演第一齣舞台劇《一籠風月》就獲香港戲劇協會頒發的「最佳女主角」,不過最令她感動的成就,竟然是12年獲得「傑出女性大獎」。胡美儀說:「試過人哋問我,點解婦聯要頒呢個獎畀我,我突然唔識答。不過我腦裏彈出咗一句︰『可能係因為我愛我丈夫啦。』乜愛丈夫都會得獎?哈哈哈……可能除咗唱歌事業以外,人哋睇到我另一面,點樣同丈夫相處,因為𠵱家婚姻、家庭好易出問題。」

胡美儀說舞台劇是她與丈夫的溝通橋樑,兩人因為舞台劇相識、相知到相愛,現在兩人也是一面吃早餐一面談戲劇。但與丈夫不可能沒半點拗撬吧?她胸有成竹地說︰「冇㗎!我哋會公還公私還私。佢做導演,我做演員,譬如做完個劇返屋企前,我會問佢︰『我哋仲有冇公事要傾?如果有,就去啡咖店飲杯嘢傾埋先。』傾完返屋企,咁就唔會將公事混埋私人感情,變成爭拗點。」

胡美儀坦言除了舞台劇,睇商業片都是夫妻的減壓良方,她說:「我同佢嘅生活情趣係睇戲,睇完你講吓我又講吓,我覺得好有趣味。最近忙,我哋會揀啲唔好咁深咁用腦嘅戲嚟睇,最好就係大家relex笑一場。又或者《職業特工隊》呢種,劇情好鬼緊張,個注意力去晒電影度,咁咪可以減壓囉。」



胡美儀因以往不快的經歷,令她多了一份同理心,將「不幸」變成優勢。

胡美儀因以往不快的經歷,令她多了一份同理心,將「不幸」變成優勢。
胡美儀剛於今年6月修畢心理輔導學學士課程。互聯網圖片

胡美儀剛於今年6月修畢心理輔導學學士課程。互聯網圖片

出書訴心聲

難怪胡美儀與毛俊輝近年出席各大小場合都形影不離,今年62歲的胡美儀還有一個心願,就是將她之前用作自我反省的功課輯錄成書,希望能幫助心理有障礙的人。她說:「其實人心裏一直都是光的,只是我沒有按掣,只要你按,全屋都係燈火通明。如果你想擁有快樂,只要你肯,就可以擁有。」從事演藝事業大半生,胡美儀從心理學找到人生另一條出路,原來為他人付出,就是她對自我價值的肯定。




鍾意就快D Share啦!