掃呢頁CODE去手機

2018年10月12日 星期五

【失婚人妻嫁瑞典失業漢】被批棄女尋幸福 港女呼冤:囡囡喺香港教書 __,港女,瑞典,

失婚毛毛嫁到瑞典,但心水清嘅網民就好奇問佢囡囡去咗邊?(fb截圖)
陳貝兒主持大台真人騷《嫁到這世界邊端2》,噚晚播出瑞典人妻Molly(毛毛)同設計師老公Johan嘅故仔,佢哋十幾年前喺交友網認識,瑞典鄉下嘅窮小子J ...


陳貝兒主持大台真人騷《嫁到這世界邊端2》,噚晚播出瑞典人妻Molly(毛毛)同設計師老公Johan嘅故仔,佢哋十幾年前喺交友網認識,瑞典鄉下嘅窮小子Johan來港見面,就開始呢個愛情故事。



毛毛係單親媽媽,跟前夫生咗個女,佢同Johan拍拖時冇隱瞞背景,男友都好接受,來港前仲同媽咪講女友係失婚。毛毛話:「佢媽咪支持,佢話呢啲女人好,夠成熟,阿仔你去啦。」



Johan留港生活,卻一直失業,日日對電腦學設計技巧;由毛毛做sales擔起頭家,無私為老公付出,長達十年。後來Johan獲家鄉一家大公司聘請,仲帶埋毛毛返瑞典老家生活。依家嘅毛毛,安心做全職主婦,仲可以學喜歡嘅縫紉。



噚日報道:

【親戚冷語】港女嫁失業瑞典男 甘做sales養家照顧老公十年

https://bit.ly/2QNYwI7



呢集播出後,網民喺討論區瘋狂討論,質疑毛毛係咪為咗自己幸福、拋低咗同前夫所生嘅女兒。陳貝兒噚晚節目後喺facebook開live,仲跟毛毛live chat,直接問答案。



毛毛話:「我年紀好大㗎喇,囡囡都好大個,同我咁高,佢依家喺香港教書,有自己生活同發展,我唔想迫佢嚟。囡囡仲反而擔心我。佢好叻女,好有成就。」佢透露女兒已二十多歲,一年多前毛毛決定離開香港、移居瑞典,毛毛有問過囡囡嘅意向,但女兒唔捨得香港嘅朋友同份工,所以選擇留低,為媽媽送上無限嘅祝福,鼓勵佢繼續勇敢去愛。



毛毛表示,當日失婚,到再遇到Johan,吃盡苦頭,全靠堅持捱過,加上有信仰支撐:「有把聲音同我講,只不過係一個考驗,冇理由做唔到。捱咗十幾年,一路見到老公好好。我離過婚,決定再結(婚),就一定唔會離。」她回想當年為何願為瑞典窮小子Johan付出:「我只係諗,假如佢係女仔,嚟到香港搵個男仔,我有責任照顧佢。」



貝兒好欣賞毛毛對愛情一份堅持,佢今日喺fb留言力撐毛毛同Johan:「一個男仔,要蛻變成長成為一個男人,可能真係需要時間。佢哋唔係唔成功,只係未成功。毛毛佢選擇相信,唔係因為見到希望佢先至堅持,而係因為佢堅持落去,所以佢見到希望。」



精選娛聞,喺晒《娛果》

http://fb.com/appledailyent



失婚毛毛嫁到瑞典,但心水清嘅網民就好奇問佢囡囡去咗邊?(fb截圖) 毛毛話:「我離過婚,決定再結(婚),就一定唔會離。」 毛毛話:「我離過婚,決定再結(婚),就一定唔會離。」
貝兒(右)被毛毛對真愛嘅堅持感動咗。

貝兒(右)被毛毛對真愛嘅堅持感動咗。
Johan全家都接受毛毛過去,毛毛成功融入夫家。

Johan全家都接受毛毛過去,毛毛成功融入夫家。
毛毛話囡囡依家喺香港生活,做老師同拍緊拖。

毛毛話囡囡依家喺香港生活,做老師同拍緊拖。
貝兒跟毛毛享受瑞典文化。

貝兒跟毛毛享受瑞典文化。
瑞典郊區留影

瑞典郊區留影

鍾意就快D Share啦!