掃呢頁CODE去手機

2018年10月10日 星期三

【港版復仇者齊腳】黑寡婦楊怡cup數未夠班 紅巫謝安琪有《殭》味道 __,楊怡,謝安琪,《殭》,

Marvel電影帶起咗全球超級英雄熱,而香港更因此發現咗一位本土IronMan──郭偉亮。繼郭偉亮之後,喺我哋廣大嘅網民加持改圖之下,港版復仇者聯盟終 ...




Marvel電影帶起咗全球超級英雄熱,而香港更因此發現咗一位本土Iron Man──郭偉亮。繼郭偉亮之後,喺我哋廣大嘅網民加持改圖之下,港版復仇者聯盟終於齊腳喇!

變形俠醫必定係羅師父(羅莽),一樣係大大隻,而且塊面變綠咗之後簡直零違和。

雷神非徐錦江莫屬啦,一樣咁瀟灑,驟眼睇根本無分別。

至於美國隊長,人選可以有好多:古天樂雖然黑咗啲,但都幾有隊長feel;再唔係謝霆鋒都得,不過驚佢唔揸盾牌,揸煎pan。

黑寡婦人選有楊怡,但唔少巴打都話佢cup數差太遠。

黑豹應該搵喬寶寶,想搞笑啲考慮金剛都唔錯,但其實樊少皇更好,特別係佢《葉問》金山找嘅形象。

紅巫女外型同謝安琪相似,特別係劇集《殭》入面嘅Kay,可惜網民擔心人妻Kay演技唔到位,討好角色會被糟蹋。

寒冬戰士有一把秀髮作為標誌,港人心目中最佳心選唔係浩南哥鄭伊健,就係馮德倫架啦。

奇異博士有人話係關楚耀,有人話係元華,甚至話係張松支。

咁蜘蛛俠呢?羅家英必定無得輸!甚至可以分飾兩角,演埋死侍都得。其實以而家蜘蛛仔嘅搞笑風格嚟睇,年輕時期嘅周星馳應該幾符合。

唔知各位又有無咩心水人選?

鍾意就快D Share啦!