掃呢頁CODE去手機

2018年10月10日 星期三

【逆齡秘密】50歲馬德鐘茹素速減逾10磅 大廚出馬示範素菜 __,馬德鐘,

馬德鐘「大廚出馬」教煮素菜。 (攝影:林賓尼)
茹素半年,50歲「馬神」馬德鐘瘦咗10幾磅,但其實佢一向身形都好弗,再走贅肉,整個人感覺好fresh。馬神話今年初,有感人到中年,應該吃得健康,佢突然 ...


茹素半年,50歲「馬神」馬德鐘瘦咗10幾磅,但其實佢一向身形都好弗,再走贅肉,整個人感覺好fresh。馬神話今年初,有感人到中年,應該吃得健康,佢突然改變飲食習慣,由多菜少肉開始,無論喺屋企定喺大陸開工,馬神都會「大廚出馬」,為自己炮製素餐,佢現時已甚少外吃,希望食得健康。



馬神想教大家煮西式素餐,佢日前就走入廚房,教大家整蕃茄香草多士(Basil Tomato Crostini)同美式芝士通心粉(Mac and Cheese),蕃茄香草多士係一個清新前菜,佢將蕃茄同紫洋葱切碎,再拌上橄欖油同香草等調味料,放上烤好多士上便可以。另一款美式芝士通心粉就先煮淋通粉備用,再用油炒香蒜茸及洋葱碎起鑊,因唔熟習環境,稍有失手,佢都不忘自嘲,其後所有步驟都順利,佢加入菇粒及南瓜茸,煮成醬汁倒入通粉上加芝士,放焗爐5分鐘,兩味素菜做法都非常簡單。馬神事後品嘗製成品,食得滋味。



馬神今年初開始轉食素:「想身體健康啲,食入口嘅嘢最重要,唔係完全停晒,有時要出去應酬,同朋友聚會,揀選嚟食,基本上唔食肉,有時食少少海鮮。唔食肉,各方面配合,令自己身體狀態同皮膚都健康啲同好啲,咁多好處,諗唔到點解唔咁做。」以前係「牛魔王」嘅馬神,無牛不歡,要戒就要逐少逐少減,「人嘅慣性,一下改變幾辛苦,點令自己成功,咪做啲好好食嘅健康食品。素菜都畀到足夠體力,我最鍾意食紫洋葱,不論生食熟食,我無論煮乜都會加,有時大陸拍戲,我返酒店都自己買嘢煮,有時涼拌,有時炒個意粉,煮嘢食係樂趣。食多啲蔬菜水果,腸嘅負荷唔使咁辛苦,食完第二日唔使好多嘢頂住個肚,起身個人都醒唔到。呢半年,我嘅體重重輕咗10幾磅。」



馬神自覺茹素後,個人「清新」咗,佢連咖啡同酒類飲品都戒埋,佢覺得飲咖啡要加奶,但牛奶都由牛度出嚟,所以索性戒埋。酒類其實最致肥,除卻應酬,馬神盡量係滴酒不沾,所以飲食配上適當運動,馬神身形更弗爆,外型跟真實半百之齡完全唔相似。



採訪:陳杰

攝錄:葉君海、林賓尼

場地:The Stadium(CWB)



精選娛聞,喺晒《娛果》

http://fb.com/appledailyent



馬德鐘「大廚出馬」教煮素菜。 (攝影:林賓尼) 馬德鐘將蕃茄加紫洋䓤茸拌勻調味,便放上烘好多士上。 馬德鐘將蕃茄加紫洋䓤茸拌勻調味,便放上烘好多士上。
馬德鐘刀功唔錯,睇得出經常入廚。

馬德鐘刀功唔錯,睇得出經常入廚。
不出15分鐘便整好蕃茄香草多士。

不出15分鐘便整好蕃茄香草多士。
馬德鐘整好香噴噴嘅美式芝士通心粉。

馬德鐘整好香噴噴嘅美式芝士通心粉。
馬德鐘把烚好通粉放入鑊內略炒,再加南瓜茸。

馬德鐘把烚好通粉放入鑊內略炒,再加南瓜茸。
馬德鐘輕鬆嘆自己動手煮嘅兩味西式素餐,大讚好味道。

馬德鐘輕鬆嘆自己動手煮嘅兩味西式素餐,大讚好味道。
半百馬德鐘茹素兼做運動,身形弗爆。(fb圖片)

半百馬德鐘茹素兼做運動,身形弗爆。(fb圖片)

鍾意就快D Share啦!