近年藍潔瑛常被指言行異常，翻看她在八十年代至九十年代的訪問，雖然她常以性格古怪、硬頸、不擅交際來形容自己，其實她有自己的看法。當女星們的夢想是嫁入豪門住大屋，她的夢想是讀哲學，惟一直未能實現。對愛情，從未想過有童話式的幸褔，緊守專一不二、拒做小三的態度，即使曾被批命孤獨終老，也不貪圖半點一刻的甜蜜快慰。別人笑我太瘋癲，我笑他人看不穿。「其實人生嘅嘢，到最後都係空嘅，搞咁多嘢做乜？」藍潔瑛說。以下的訪問節錄，或許你會了解她多一點。
未完哲學夢
「我以前屋企好窮，我諗住讀哲學，點知屋企人話冇錢畀我繼續讀，幾淒涼呀！我喊咗一餐又一餐！」
不信命
1992年自爆有相士批她前世為小仙女，享盡仙褔，今世是凡人，註定是孤獨終老，就連動物植物都無緣。「唔信會孤獨終老，信同唔信，都唔會影響我」、「十二條金魚一個月內死剩一條，同吳君如行花市買富貴菊，唔使幾日就生晒蟲。」
處世/工作
‧「我係好直，唔識應酬打交道，最怕虛偽，做呢行我當打份工，已經好攰，仲要花時間精神周旋喺打交道？我會攰死！」
‧「我唔介意人哋點睇我，我更加唔會踩人，我點解要逼自己做唔想做嘅嘢？我唔想失去真我，我過得好開心，唔鍾意同人解釋。」
‧「其實人生嘅嘢，到最後都係空嘅，搞咁多嘢做乜？」
‧「做好演員本分就夠，唔使將努力成日掛喺嘴邊畀人知。講出嚟，就係扮嘢。」
‧「我唔會逼人，亦唔需要人哋擺好多心血心思喺我到，否則係壓力。」
拒做小三
‧「我唔會同有婦之夫拍拖，點解要咁呢？點解要令人哋個老婆唔開心？」
‧「有好男人，必然有衰男人，睇你係咪好彩，睇人不可憑外表，男人女人一樣！」
‧「每一次拍拖，我非常投入認真，結果每次都好傷。」
‧「要享受愛情，要忠於自己，亦都要忠於對方。」
錢財
‧「以前不停工作唔知為乜，成日唔開心，狂買嘢嚟平衡自己。唔想再係咁，我唔想做一堆垃圾。」
‧「人好似浪咁，潮汐有漲有退，大陸嘅荒漠一片浩瀚，一個人嘅錢財有算得係乜？」
----------------------------
東網巨星開咗ig喇，大家快啲follow
https://bit.ly/2JjSVcr
|
鍾意就快D Share啦！
|
|
|
