掃呢頁CODE去手機

2018年11月4日 星期日

【娛樂人物】演變性人愛上女裝姜皓文男兒身女人心 __,姜皓文,

外表硬朗的姜皓文新戲飾演一名變性人,道盡跨性別人士需要面對的歧視與壓力。
外表硬朗的姜皓文新戲飾演一名變性人,道盡跨性別人士需要面對的歧視與壓力。身形高大的「黑仔」姜皓文人如其名,皮膚黝黑,他在新片中卻穿上女裝,飾演一名跨性 ...


身形高大的「黑仔」姜皓文人如其名,皮膚黝黑,他在新片中卻穿上女裝,飾演一名跨性別人士,反差極大。今次鼓舞他作破格演繹的人,就是他一名已做變性手術的舊同學。角色塑造雖可借鏡舊友,但拍攝過程仍是有笑有淚,黑仔更試過穿着女裝透視睡衣落街試反應,他認真地表示:「有段時間鍾意咗女裝。」

採訪︰羅婉玲

攝影︰郭賢興

姜皓文近日在電影《翠絲》飾演一名「男兒身女人心」的跨性別人士,演技備受讚賞,他的出位造型亦令人有「嘩」一聲的感覺。黑仔日前接受《蘋果》專訪,他表示有向真正的跨性別人士取經之餘,反而沒有請教同是演員的太太殷寧(原名金慧英)。姜皓文說:「劇組有好多女性,我個個都有問,但冇問老婆,大家太熟李敏(《翠絲》編劇)同我講女人係水做,有淚水、香水同湯水,女人最軟弱時都係一樣。」

除了參考身邊女性,黑仔亦有其他參考對象,就是他從前一名男同學,其性格跟戲中角色甚為相似:「細個時佢眼神好閃縮,唔敢望人,好抑壓,唔想俾人睇穿,好驚人哋知佢有女仔心,成人俾人蝦。」畢業後多年,姜皓文在路上遇到一位陌生女性上前跟他打招呼,他才驚覺原來對方就是昔日的舊同學:「當時我仲以為係飛來蜢,原來係佢,佢仲好開心咁話我知,佢做咗手術,𠵱家佢係女仔。正正係佢令我有呢個概念,佢畀到我好大嘅動力同信心。」



入行逾30年的姜皓文演技精湛,今年終在金像獎獲得最佳男配角。 入行逾30年的姜皓文演技精湛,今年終在金像獎獲得最佳男配角。
為拍電影,姜皓文特地學肢體動作,令演出流露媚態。

為拍電影,姜皓文特地學肢體動作,令演出流露媚態。
姜皓文與殷寧結婚多年,今次演變性人,卻反而沒有問愛妻意見。微博圖片

姜皓文與殷寧結婚多年,今次演變性人,卻反而沒有問愛妻意見。微博圖片

剃毛學媚態

塑造好角色的內心性格之後,要修正的,就是黑仔一貫的剛強外形。拍攝前,黑仔要減磅令外形較纖瘦,又要學肢體動作,令演出時自然流露媚態,更加要他剃去全身體毛,穿上女性內衣演戲時比較美觀。黑仔甚至曾經穿着女裝透視睡衣落街看街坊的反應,他認真地表示:「有段時間鍾意咗女裝,啲質料似絲質好滑。」

辛苦是辛苦,但拍攝時趣事亦有不少,黑仔回憶說:「有一場戲講我喺廁所發脾氣,我着住肉色內褲再着女裝底褲,但唔好睇,後來除咗肉色褲拍,攝影師話『唔得!唔得呀!走呀!』」原來是指他的下體走位穿崩,黑仔哈哈大笑:「收得好辛苦,又唔可以黐膠紙,呢場戲好好笑。」



勁索古龍水

戲中黑仔還要跟台灣男演員黃河咀嘴、拍床戲,但他笑言沒有想像中難受:「初初係有啲抗拒,有啲鬍鬚挨住唔知點咁,後來死好似鍾意咗嗰陣古龍水味,大力索仲幾享受。拍嗰場戲,佢(指黃河)講笑話唔理啦,伸脷過嚟亂咁發,當然冇咁激烈,有小小口水花。」

不過說到最深刻的一場戲,姜皓文覺得反而是跟戲中老婆惠英紅攤牌:「紅姐幫我好大,場戲嘅情緒相當複雜,紅姐叫我掩住耳仔乜都唔好諗,自己feel到乜就演乜,好窩心。拍完呢場內心戲,我返到屋企喊咗成個鐘,感覺兩公婆係有抑壓,點都要講出嚟。」女人用水做,就算是大男人又何嘗不是?

化妝︰Herrylaiming Make-Up

髮型︰Jove Shek @La Mod Salon

場地提供︰香港九龍貝爾特酒店




鍾意就快D Share啦!