歐陽巧瑩影婚照，大騷34C咪咪。
「咪神」歐陽巧瑩（Tammy）將與拍拖四年的「木偶哥」林師傑結婚，日前抽空拍攝婚紗照，毫不吝嗇穿爆乳婚紗上陣，盡騷34C驕人上圍，由於拍攝時間長令Tammy擠不出笑容，師傑為氹老婆出盡法寶，令Tammy感動非常，揚言冇嫁錯人。
歐陽巧瑩與林師傑拍拖四年終修成正果，將於本月23日結婚，早前女方公布星級兄弟姊妹團，更以禽獸形容一班姊妹，故不捨老公於結婚當日被眾女蹂躪，錫老公可謂錫到出晒面。而近日一對準新人忙於為婚禮準備作最後衝刺之餘，還抽空拍攝婚紗照，Tammy妹妹更充當化妝師，為Tammy打造靚靚新娘妝。
二人先後換上多個造型，當中不乏甜蜜照，期間師傑細心為太太整理頭髮，Tammy亦全程小鳥依人，擁有驕人上圍的她當然也趁機騷quali，換上一襲白色Deep V婚紗，盡騷其34C導彈，還緊緊從後攬住老公，肉緊咀爆對方面珠，不過面對一整天無間斷拍攝，即使對慣鏡頭的Tammy也笑到僵硬，她受訪時謂：「我真係笑都笑唔出，後期表情欠奉添，師傑見到我咁即刻係咁氹我，佢真係好好。（冇揀錯人）係呀！都幾冧㗎!！」
咁啱撞到劉佩玥
Tammy表示穿上婚紗一刻終感到婚期將至，現時抱住期待心情，更指拍攝當日發生小插曲，她謂：「我入去換衫嗰陣，劉佩玥戴住口罩衝入嚟換衫室，嗰刻我認唔到係佢，真係嚇親我，以為係咩人嚟！原來佢幫阿感婚禮做姊妹，嗰日咁啱佢去嗰度試裙撞到我，真係又驚又喜。」
來源 source: http://hk.on.cc
|
鍾意就快D Share啦！
|
|
|
