（互聯網）
曼聯今輪英超完敗曼城，唔少魔粉都非常失望，覺得愛隊與同市宿敵嘅實力差距愈來愈大。無論係球迷同領隊莫連奴，都希望於陣容上有轉變，正所謂有出先有入，如果要轉換陣容，有球員離開在所難免。英國體育電台Talksport主持人爆料，桑馬達將不獲紅魔鬼續約，出年夏天會以自由身轉會阿仙奴。
Talksport主持人Adrian Durham，日前表示自己收到內幕消息，於季尾就約滿曼聯嘅桑馬達將不獲續約，換句話說佢於一月就可以同其他球會接觸。佢表示阿仙奴對今年30歲嘅桑馬達好有興趣，事關現任兵工廠領隊艾美利，08至12年執教華倫西亞時曾與桑馬達合作，雙方關係良好，所以有意故劍重逢。Adrian Durham對呢單傳聞嘅真確性好有信心：「雖然唔係官方消息，但來源絕對可信。大家要記得係邊個放呢單料出嚟嘅。」
桑馬達於14年轉會曼聯，當時就係目前紅魔領隊莫連奴，將佢由車路士賣到紅魔鬼。雖然桑馬達幾乎每次落場都有表現，但寸王似乎覺得佢同自己嘅戰術格格不入，所以桑馬達始終爭唔到正選。目前桑馬達已經三字頭，寸王唔畀新約佢都唔出奇。
另外，於今年一月加盟阿歷斯山齊士，於曼聯冇腳好波，而且又同隊友唔咬弦，故希望一月離隊。意大利右閘達美安因長期被投閒置散亦想離隊，據知意甲雙雄羅馬同國際米蘭，都有意接收呢名28歲後防球員。
東網體育FB同你追實體壇每個精彩時刻！
http://bit.ly/2ecTF2A
支持本地運動員，一齊去「睇體」！
https://bit.ly/2DxX4XI
來源 source: http://hk.on.cc
|
鍾意就快D Share啦！
|
|
|
