單文柔陳展鵬新婚無耐，相信大家都好想睇下呢對夫妻既甜蜜新婚生活，不過好可惜啊，我地應該無機會睇到早排《壹》仔撞到佢地兩公婆出動，單文柔化左淡妝，但煎Pan就戴住帽同口罩似乎唔想俾人認出， 咁又係嘅佢地啱啱先結婚，大家仲喺好關注佢地呢對新婚夫妻，係銅鑼灣鬧市行逛，比人認出都幾麻煩下！兩公婆一邊行一邊搵路，似乎好趕時間，連手仔都無拖啊！煎Pan仲不斷拎住電話錄Whatsapp，連老婆同佢講野都無停，好似好多野要處理，不過都係唔好冷落自己老婆仔好喎！雖然兩個無想像中咁sweet，不過相信佢地只係唔想喺公眾地方太張揚姐！
BTW陳太應該係一個花癡，《壹》仔撞過佢幾次都咁啱買緊花，之前佢同幾位女仔朋友出街，見佢呢日set晒頭，又化晒大濃妝咁，應該喺啱啱做完野啦，睇返IG，原來喺主持活動。一班人好有目的性走入超市花店，見佢問完店員，好快手就揀好扎花，賣單$260應該喺買嚟送俾人。唔知煎pan又會唔會成日送花俾老婆呢！
來源 source: http://nextplus.nextmedia.com
|
鍾意就快D Share啦！
|
|
|
