留在上海兩個多月備戰舞台音樂劇《愛在星光里》的Jocelyn陳明憙，上周終於正式公演。由陳少琪擔任藝術總監、編劇、作詞；金培達負責音樂總監與作曲；奚仲文擔任美術顧問，三大強勁陣容，一連四場的《愛在星光里》座無虛席。
能夠參與今次大型舞台音樂劇《愛在星光里》Jocelyn說：「其實呢兩個月綵排，同台前幕後所有人已經有晒默契同信任，所以心情開心多於緊張。」首次踏足舞台，Jocelyn獲不少前輩遠道從不同地方飛來上海力撐，包括梁詠琪、陳曉東，許茹芸等等，有份在台下欣賞《愛在星光里》的Gigi，更被故事感動得當場落淚。她回應：「同少琪識咗好多年，睇住佢兩年前構思呢個音樂劇，見到佢一步一步行到今日正式公演，真係好感動，而且Jocelyn演得好好，睇得出佢下咗唔少功夫。」
完成了四場的演出，Jocelyn坦言還有很多不足之處需要改善，她說：「我對自己會有要求，希望一場比一場演得更加好、更加放，最開心係參與今次音樂劇，過程學咗好多嘢，對我日後嘅音樂事業會有一定幫助，再加上戲裡面我飾演嘅角色馬琳，對愛情好盲目，某程度同我對愛情的態度好相似，所以演出時份外投入。」
來源 source: http://nextplus.nextmedia.com
|
鍾意就快D Share啦！
|
|
|
