藝人黃日華的太太梁潔華最近被傳舊病復發，有人目擊他多次陪伴出入醫院，據知更已推掉所有工作，停工照顧太太，可謂情深義重。華仔昨日現身沙田，承認太太因指數回升要接受醫生觀察，眼神疲憊的他說：「冇嘢嘅，佢喺屋企休養緊，抵抗力係比正常人低啲。」
57歲黃日華在演藝作品中多數飾演敦厚情深的角色，現實中的他一樣是「愛妻號」，與同是無綫藝員訓練班出身、現年58歲的太太梁潔華結婚30年，育有28歲女兒黃芷晴，多年來一直夫妻恩愛，家庭和睦。
好景不常，梁潔華於2013年底驗出患有壞血病，黃日華其後承認太太病情，透露已接受治療控制病情，有傳他月花10萬元為太太醫病，兼且全天候照顧，當時梁潔華曾讚他：「佢試過朝早飛去第二度做嘢，夜晚嚟醫院問我有冇事，然後先返屋企！我見到佢好辛苦，我好感動！冇咗佢都唔知點算！」
承認觀察中：抵抗力低啲
經過五次化療，梁潔華病情趨穩定，一年後再度現身公開活動，病愈後對粵劇更添興趣，跟隨粵劇名伶文千歲及梁少芯夫婦學戲，將精神寄託在粵劇上，獲家人全力支持。今年年中時，她曾透露10月會演出劇目，但最後卻不了了之，連文千歲在上月舉行自傳記者會，她亦未有出席，代她撐場的黃日華當時說：「人多嘅地方佢唔方便出席。」最近，有傳梁潔華舊病復發，有讀者目擊黃日華多次陪太太出入醫院，據知他近月亦推掉手頭上所有工作及登台，再度貼身照顧太太。
連日來，記者守候在黃日華的大埔寓所，一直未見夫妻出現。直至昨午約4時，他隻身由大埔駕車到沙田商場，並拎着一大袋物件落車。戴上口罩的他仍難掩倦容，被問到有傳太太病情反覆要住院，他平靜地回應：「其實都成日入醫院覆診，指數係升升哋，觀察中！冇嘢嘅，放心。（依家太太喺醫院定屋企？）屋企休養緊，抵抗力係比正常人低啲。」問到女兒有否花很多時間陪媽咪？黃日華笑了笑說：「我啫！佢今日都要開工。」說罷即轉身離開。
女兒有仔陪 愁眉不展
至於女兒黃芷晴心情亦大受影響，日前下午約1時多被發現與男友在九龍區午膳，其後手拖手到附近行街睇男裝。芷晴全程愁眉不展，男友雖不時撩傾偈，但她亦未有展露笑容。不過，她沒有在社交網表露心迹，反而上載在瑞士及荷蘭遊玩照片，希望沖淡憂愁。
更多新聞，請瀏覽東方日報網頁：
http://orientaldaily.on.cc/
|
鍾意就快D Share啦！
|
|
|
