掃呢頁CODE去手機

2018年11月15日 星期四

【銀行捽數】淡市推高息騰訊ELN 苦主︰賺就少少 輸就輸身家 __,騰訊,

騰訊(700)第三季業績符合預期,但股王股價早已風光不再,今年下跌超過四成,不少投資者都因此而損手。可是,銀行在這熊市下仍力推高風險衍生產品ELN(股 ...


騰訊(700)第三季業績符合預期,但股王股價早已風光不再,今年下跌超過四成,不少投資者都因此而損手。可是,銀行在這熊市下仍力推高風險衍生產品ELN(股票掛鈎票據 Equity Linked Note),近期騰訊ELN的年息更高達36厘,吸引手持大量現金的追息一族。有曾經投資ELN損手的苦主向記者表示,這類產品「賺就少少,輸就輸身家」,奉勸投資者不要貪高息而因小失大。



根據證監會數據,截至今年9月30日未償還ELN總額達200.88億元,上市公司力寶﹙226﹚今年便因炒騰訊ELN而帳面蝕逾億元。ELN作為金融衍生工具,散戶入場費動輒100萬元或以上,跟Accumulator相似。今年騰訊愈跌愈多,波幅極大,令不少投資騰訊ELN的人被迫接「蟹貨」,尤其博反彈的投資者更易中招。



美國回流的退休港人蘇先生﹙化名﹚曾因ELN損手80多萬元,今年初騰訊430元高位時,他日接銀行十多次電話推銷騰訊ELN,當時年息有8至10厘。他有不少退休朋友都有買,「退休人士因有筆現錢,自己唔識炒股,銀行存息又太低,銀行RM﹙客戶經理﹚就講到天花龍鳳,話ELN有幾高息, Airbag好穩陣,所以好多人都會信佢。」



高息包裝 吸引追息一族



蘇先生不熟股票因而少有投資個股,但卻被銀行以高息包裝的產品吸引,投資了更高風險的ELN。他承認自己貪圖高息投資,加上2015年剛買ELN時正處於牛市,很短時間內贏了數次,賺了十幾萬元,以為這是很穩健的產品。誰料後來他重搥出擊,花300萬元投資半年期石油股ELN,股價在臨近到期日,市況逆轉,更跌穿行使價的氣墊位,被迫接了「蟹貨」。由於他過於恐慌,守不住下蝕放,最終損手80多萬元。



經過這次慘痛經歷,他投資變得更保守,亦慶幸自己早受教訓,避過今年的波動市況,「近期大市由3萬點跌到咁,我諗好多人由3萬跌2.9萬已接咗貨,跌到宜家2.6萬,真係會輸身家。」



牛唔飲水點撳得牛頭低,蘇先生並沒有怨天尤人,明白風險需自己承受,但他認為銀行在推銷ELN這類高風險產品時,有責任派更專業的職員作講解,「RM知道你有錢,就不停打畀你,佢自己睇唔睇好唔理,求其就係想Sell啲產品畀你賺佣,等同地產經紀,樓市升跌都唔關我事,最緊要成交。」



批銀行職員專業知識不足



蘇先生稱滙豐銀行最不專業,原以為是大公司信得過,但竟曾派一位剛畢業的客戶經理負責其戶口,對方根本不熟ELN產品。蘇先生向其上司投訴,對方稱因銀行流失率高,無辦法才派新人,「從業員的專業知識唔夠就推銷,如果好多唔識嘢嘅人,我都係其中之一啦,就好易被人呃到。」



蘇先生在美國生活幾十年,資金一向由當地領有財務策劃牌照的投資顧問處理,每次買賣對方都會詳細分析個股前景、目標價、止蝕價,甚至分析整體投資環境,感覺非常專業。回流香港,蘇先生以為香港的銀行同樣專業,誤以為客戶經理的話都是專業的投資建議,但現時認清原來他們只是產品推銷員,「試過另一間銀行買交叉外滙,個銀行職員講乜錯乜,話加幣會升要買,轉頭就跌,話高位要放啦,點知就繼續升,從來未準過。」



現時他對於香港銀行的印象很差,感覺非常不專業,風險評級問卷都可以填完又填,答到評級夠高買ELN都可以。更曾有另一間銀行的職員致電給他,自稱是同銀行某客戶經理上司,提出將戶口轉給這位經驗更豐富的同事,「同事之間都爭客、篤背脊,我轉左佢都係唔準,我感覺銀行好多人請返嚟都係做Sales。」



本報向金管局查詢銀行推銷手法的監管情況,當局稱不評論個別事件,強調已訂立了一系列監管要求,包括產品盡職審查、客戶合適性評估及向客戶披露產品的性質及風險等,以保障銀行客戶利益;而銀行職員亦必須符合證券及期貨事務監察委員會的《適當人選的指引》、《勝任能力的指引》及《持續培訓的指引》,並分別註冊為第一類(證券交易)及第四類(就證券提供意見)受規管活動的「有關人士」。



滙豐銀行則回覆指,公司設有一套嚴謹的銷售流程,客戶經理均為持牌人士,完成特定培訓及通過產品知識評估後,才可銷售任何投資產品,而且他們的薪酬並非採用佣金制,旨在減低與客戶溝通時推銷產品的壓力。‎



記者︰鍾耀恆



全球樓行 Dream House零距離

https://hk.feature.appledaily.com/overseasproperty




鍾意就快D Share啦!