掃呢頁CODE去手機

2018年11月15日 星期四

【狗仔出更】吳啟華到啟明餐廳開飯 兩兄弟摸住酒杯底傾偈 __,吳啟華,

吳啟華到胞兄啟明餐廳開飯嘆紅酒(攝影:孔志豪、吳耀輝)
54歲吳啟華最近接拍邵氏網劇《飛虎之雷霆極戰》,已經開始投入拍攝工作,日前晚上約7點幾,啟華現身胞兄吳啟明位於九如坊嘅餐廳,兩兄弟坐埋一枱嗒紅酒,摸住 ...


54歲吳啟華最近接拍邵氏網劇《飛虎之雷霆極戰》,已經開始投入拍攝工作,日前晚上約7點幾,啟華現身胞兄吳啟明位於九如坊嘅餐廳,兩兄弟坐埋一枱嗒紅酒,摸住酒杯底邊飲邊傾,身為餐廳老闆嘅啟明,着住圍裙同戴廚房帽,不停出入廚房幫忙打點,十分忙碌,啟華雖然比哥哥只細1年,但啟華外表就keep得好好,不愧係師奶殺手。



當啟明入咗廚房幫手之際,啟華就傾電話打發時間,冇幾耐《飛虎》創作總監李惠民帶囡囡嚟到,原來啟華約咗兩父女食飯,約半粒鐘後,劇集監製樂易玲單拖到場,終於齊人可以開餐,不過啟明成餐飯都出出入入,其間又擔住支未點嘅雪茄,在餐廳內行來行去招呼客人。



約晚上10點幾,眾人食飽離去,接載樂小姐嘅七人車在門外等候,樂小姐仲送埋李惠民父女走,而啟明同啟華則各自揸車離去。啟華接受《蘋果》電話訪問表示:「多年朋友約食飯,冇乜特別,以後都會合作,樂小姐咁本事大把戲開,李導都好多戲開,會一直合作下去。」



問到幾時返大台拍劇?啟華坦言:「返無綫就未有計劃住,要再傾,因為每一個合作計劃都要單獨咁傾,冇咁快知道。」今次啟華係拍邵氏網劇,同苗僑偉、吳卓羲、黃宗澤、馬國明、苟芸慧、蒙嘉慧等合作。



精選娛聞,喺晒《娛果》

http://fb.com/appledailyent



吳啟華到胞兄啟明餐廳開飯嘆紅酒(攝影:孔志豪、吳耀輝) 啟華愛飲紅酒 啟華愛飲紅酒
啟華雖然只細哥哥一年,但keep得好好。

啟華雖然只細哥哥一年,但keep得好好。
啟華約咗樂小姐同李惠民食飯

啟華約咗樂小姐同李惠民食飯
啟華讚樂小姐好有本事

啟華讚樂小姐好有本事

鍾意就快D Share啦!