掃呢頁CODE去手機

2018年11月15日 星期四

郭羨妮:呃咗個女好耐!郭羨妮終於講出真相… __,郭羨妮,

Sonija有樣嘢呃咗個女好耐!藝人郭羨妮(Sonija)與傅嘉莉(Kelly)到大埔出席商場聖誕活動,講到曾經騙女兒世上有聖誕老人,Sonija指現 ...


Sonija有樣嘢呃咗個女好耐!


藝人郭羨妮(Sonija)與傅嘉莉(Kelly)到大埔出席商場聖誕活動,講到曾經騙女兒世上有聖誕老人,Sonija指現在已把事實說出:「佢大個喇,6歲幾,我話咩人都扮到聖誕老人,個肚腩假㗎,佢就話『吓?』」至於工作方面,她表示聖誕正日也可以接Job,最近接了些廣告和活動,不過暫時不打算拍劇:「我以為個女升咗小學會好啲,原來仲緊張咗,功課好深,又要話佢知咩叫測驗、考試。等多幾年先,始終都係個女緊要啲。」

Sonija透露囡囡Kylie最近要測驗,待測驗後才準備聖誕節:「佢好鍾意大節日,要小朋友過難忘嘅童年,大人都要做啲嘢,會陪佢一齊布置同砌聖誕樹,同埋想帶佢去郊遊。上年去咗日本,見到少少雪。」而她亦表示自己從小喜歡聖誕,小時候即使知道沒有聖誕老人,也會掛一隻襪在床頭,媽媽就會買糖果送給她。

另外,Sonija憑電台劇《獅子山下2017》其中一個單元《秘密》入圍《第23屆亞洲電視大獎》「最佳女主角」,她表示很開心︰「呢套劇好代表到香港,入到圍我非常高興,多謝電台同導演Tom搵我演呢個角色,希望有好成績。」


來源 source: http://hk.on.cc
鍾意就快D Share啦!