掃呢頁CODE去手機

2018年11月15日 星期四

【獨家|WhatsApp情話曝光】再上羅天宇細佬車開餐嘴郁郁 劉穎鏇事後含情樣冧笑 __,劉穎鏇,羅天宇,WhatsApp,

【獨家|WhatsApp情話曝光】再上羅天宇細佬車開餐嘴郁郁劉穎鏇事後含情樣冧笑(足本版):http://bit.ly/2zaEFMV劉穎鏇上胡㻗車開 ...




【獨家|WhatsApp情話曝光】再上羅天宇細佬車開餐嘴郁郁 劉穎鏇事後含情樣冧笑(足本版):http://bit.ly/2zaEFMV

劉穎鏇上胡㻗車開餐塞條狀物落口,《壹》仔之前都見過一次,不過呢次佢個頭無離奇「消失」,只係被胡㻗遮住咗,但都仲隱約可見佢嘴郁郁嘅。

當時《兄弟》仲未拍完,劉穎鏇同一班劇中對手準備收工。佢單獨率先離隊,因為一早約咗胡㻗吖嘛。劉穎鏇離開後順利會合胡㻗,二人先去便利店買嘢,期間女方雖然一直傾電話,但不時同胡㻗眉來眼去笑吟吟,有啲小動作更好有偷情feel添。有一點奇怪嘅係,二人喺便利店來回踱咗十幾分鐘,特別喺收銀櫃前,但直到走嗰刻依然乜都無買,唔知係咪因為人多,有啲嘢唔好意思當眾買呢?

之後劉穎鏇上咗胡㻗架白色寶馬,揸咗去買薯條同台式飲品,再停埋一邊你一條我一條咁塞落口。飲飽食醉夜已深,二人正式入戲肉,摸黑喺車廂中 談心。大家睇下劉穎鏇個冧樣,側晒頭含情脈脈咁望實眼前呢位白色寶馬王子,又不時笑到見牙唔見眼含春咁款,就知佢同胡㻗一齊係幾咁開心啦。

其實佢哋係幾時撻著㗎?早喺《兄弟》開拍前,盛傳余德丞力追劉穎鏇,經常有傳媒影到二人單獨約會,《壹》仔都唔例外,撞到佢哋喺街邊咬耳仔。不過一散band,劉穎鏇即刻拎個電話出嚟WhatsApp,畫面顯示聯絡人係「Fei Wu」,而傳俾「Fei Wu」嘅內容係「I just finished at the gym! So now go home to shower! Oh, are you going from Sai Kung?(我啱啱做完gym,而家返屋企沖涼,你係咪西貢出嚟?)」對方答:「Yea! I’m not gonna drive but my bro is, so I’ll take his car and drop him off then I’ll come pick you up.(係!我跟阿哥車出嚟,放低佢之後再去接你。)」相信二人當時唔係已經打得火熱,都係漸生情愫㗎喇。

鍾意就快D Share啦!