開頭話要等大女嫁咗先~
「Captain Nancy」薛家燕在紅館完成一連2場《薛家燕愛你無限60年演唱會2018》，在慶功宴上，家燕稱終鬆了口氣，心情亦好興奮，籌備這次演唱會只用半年時間，又練歌又排舞，連排舞老師Sunny Wong說她廿幾首歌要排，比郭富城還要多，起初都擔心不夠氣，但大家都估不到她有這樣的魄力，能一邊唱一邊跳，對她來說這個唱是畢生難忘。至於三名子女上台和她合唱部分，兩場家燕姐都忍不住爆喊，她謂：「台上播佢哋嘅兒時片，都係佢哋自己搵，好有心思，而能夠做到60年亦係大家嘅支持，真係人生無求喇。」
問到男朋友是否捧足2場？家燕坦言：「係呀！（七公主話你唔介紹佢哋識？）會安排吓。」家燕還以為傳媒向她催婚，笑言「唔好咁快。」她笑稱要大女兒先出嫁，否則她不好意思，不過，家燕又認真說：「坦白我唔會再結婚，都咁嘅年紀仲結乜婚。（芳芳錄音聲帶說她有『景轟』？）唔係咁，做吓朋友啫。（清純嘅愛情？）係呀。」講到個唱造型不夠性感，是否因男友看着要收起性感？她稱：「係因為要跳好多舞，唔係咁方便，有啲矜持好啲，握手時畀人睇到就唔好啦。（男友有冇握到手？）有呀，佢坐第一排。」男友捧足2晚可有意見給她？她謂：「佢話仔女嗰Part佢睇完都有喊。」完成個唱後，家燕稱會和男友和仔女去日本旅行玩幾天。
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|