恭喜晒李佳芯！
《萬千星輝頒獎典禮2018》賽果，視后方面爭崩頭，賽前被認為是李佳芯、陳煒及黃智雯之爭，最終由近年上位的36歲李佳芯得獎，她在《BB來了》中的「唐恬兒」演活新手媽媽的苦與樂，贏得民心，終首度榮登視后！
事業最高峰時刻
李佳芯2016年贏得無綫「飛躍進步女藝員」後，去年勇奪「新加坡視后」，曾經備受爭議，今晚她再贏得無綫「視后」，台上發表感言時信心十足，並稱今晚是自己事業高峰，開心有家人在場見證，但全程都未有多謝男友陳炳銓，她說：「多謝公司，珍姐（曾勵珍）喺我最想放棄時撈番我出嚟，多謝樂小姐（樂易玲）畀我好多金石良言，Felix（杜之克）好體諒我，仲要多謝好多監製肯用肯試我，成就今日嘅我！我仲要多謝劇中『允豬』，因為大家都好鐘意佢哋。我唔係贏在起跑線，我係一舊飯，都係靠自己，如果覺得攰，記住唔止你一個行，仲有人默默陪你，多謝黎諾懿，我朋友唔多，仲要多謝家人，媽媽、爸爸同哥哥，最感恩佢哋見證住我事業最高峰時刻！」
來源 source: http://hk.on.cc
|
鍾意就快D Share啦！
|
|
|