網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年12月17日 星期一

【離婚斷水曾手緊】失視后陳煒買樓撻訂蝕二百幾萬 儲四年首期再入市:冇諗過要男人啲錢(足本版) __,視后,陳煒,

大熱倒灶失視后嘅陳煒,早前透露因為同前夫性生活不協調,對方成日唔掂佢,導致12年離婚。分開之後,佢話冇諗過要前夫啲錢。難怪14年佢落完二百幾萬大訂買貝 ...




大熱倒灶失視后嘅陳煒,早前透露因為同前夫性生活不協調,對方成日唔掂佢,導致12年離婚。分開之後,佢話冇諗過要前夫啲錢。

難怪14年佢落完二百幾萬大訂買貝沙灣,之後諗諗下為安全計,都係寧願忍痛撻訂。不過儲咗四年錢,近日佢睇中觀塘新樓盤凱滙,鼓足勇氣再入市,買八百幾呎、大約二千萬嘅三房單位自住。

其實陳煒喺大台劇接劇,除咗之前熱播嘅《深宮計》,佢今年已經拍完同黃智賢嘅《好日子》,早前更同期趕緊兩套劇,分別係《危城First Lady》同《多功能老婆》。密食當三番,收入點都唔會太差。

愈搵到,佢反而住得愈平民,由1200呎、月租7萬幾嘅鰂魚涌西灣臺1號豪宅,

搬咗去月租大約三萬嘅油塘屋苑。陳煒覺得一個人住,間屋唔使太大,而且慳番啲不必要嘅開支,佢可以慢慢儲番啲彈藥,再次入市。

依家佢事業行先,仲話自己得兩個興趣,除咗鍾意煮嘢食,佢最熱愛演戲,所以日日開工都冇問題,佢當係享受。

不過捱更抵夜始終辛苦,佢都唔會待薄自己,所以呢幾年都坐價值60萬嘅七人車,有司機車出車入。

咁識錫住自己,難怪咁多年身材外貌都冇走樣,一樣都咁弗

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

鍾意就快D Share啦!