被譽為香港後花園嘅西貢，每逢周末假日都吸引唔少巿民同遊客去郊遊，前日（15日）張小姐同朋友去西貢遊山玩水，下晝5點搭巴士回程，當時好多人搭巴士，巴士好快滿座。其間懷疑巴士飛站引起等車嘅人不滿，有兩個男人竟然走出馬路，喺巴士前面攔路，車長無奈報警。擾攘咗半個鐘，警察嚟到嘅時候嗰兩個男人已經走咗。張小姐認為攔巴士行為野蠻，「用人身安全威脅其他人，好自私！」
擾攘半小時
張小姐前日下晝5點喺黃石碼頭搭94號巴士出返西貢巿中心，去到大網仔路近仁義路嗰陣巴士突然停低咗，坐喺上層中間位置嘅張小姐初時以為塞車，但之後聽到坐車頭嘅乘客議論紛紛，於是走上去睇吓乜事，見到兩個男人企咗喺巴士前面攔住巴士，不停同車長講嘢，但聽唔清楚佢講乜，似乎係投訴巴士飛站，車長已經安撫佢哋話後面好快有車嚟，但對方唔理，繼續念念有詞，又攞手機出嚟影架巴士。
38歲陳姓車長惟有報警，話有兩個男人放咗啲嘢喺巴士前面，阻住去路。其間，張小姐形容現場交通受影響，後面嘅車要逆線抽頭，有車響按，有啲混亂。擾攘咗半個鐘，後面有巴士埋站，嗰兩個男人就唔見咗，相信上咗後面架巴士。警察嚟到搵唔到嗰兩個男人，將案件列作糾紛處理。
張小姐坐嘅巴士終於可以開車，佢話巴士唔係專登飛站，就算埋站都上唔到客，攔住架巴士實在真係好野蠻。
喺舊年10月，一對情侶懷疑不滿巴士飛站，衝出銅鑼灣崇光百貨對開馬路攔阻巴士，被裁定對公共交通造成阻礙罪名成立，最終判男被告接受140小時社會服務令，女被告則接受12個月感化。
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。
|
鍾意就快D Share啦！
|
|
|