成龍喺2015年4月推出首部中文版自傳《成龍：還沒長大就老了》，英文版亦將於後日（4日）全球發售，當中有唔少修訂。成龍自揭年輕時沉迷賭博和酒精，揮金如土同妓女玩樂。一直覺得太太林鳳嬌是貪圖錢財先同佢一齊，所以經常嗌交，仲出軌同吳綺莉搞婚外情。
不過，書中隻字不提成龍與吳綺莉嘅女兒吳卓林。被問到當年有冇愛錯人？吳綺莉今日以短訊回覆《蘋果》﹕「唯一我要理的，是我女兒的感受。」
成龍與吳綺莉在在99年2月傳出緋聞，當時成龍已有家室，二人矢口否認相戀，澄清只係兄妹。至同年10月，吳綺莉被傳出已經懷孕四個月，並曾親口承認腹中骨肉係成龍。吳綺莉其後誕下「小龍女」吳卓林，卓林今年已經19歲，早前更曾拍片尋父，更出櫃承認係同性戀者，但成龍喺活動上只冷淡回應﹕「如果她喜歡，那很好（If she likes it, that's fine）」。日前卓林與女友Andi結婚，成龍至今都係冇反應。
有指成龍身家至少30億港元，佢曾經講過遺產一半畀太太林鳳嬌同房祖名，剩下嘅就捐慈善，意即卓林可能連一分一毫都冇，唔少人因此抨擊成龍冷血無情，對女兒不聞不問。
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|