34歲大陸男星王寶強前年自揭戴緣帽，指控老婆馬蓉同經理人宋喆有婚外情，王寶強申請離婚，其後法院認為馬蓉與他人存在「婚外不正當」關係，判兩人解除婚姻關係；點知事隔2年，今日網爆王寶強疑暴打馬蓉，面有瘀痕、左眼瘀黑、右手流血嘅馬蓉現被送往醫院接受治療。
據馬蓉接受大陸傳媒訪問表示，今早王寶強帶同4、5個人對佢拳打腳踢，猛打其頭部、後頸、頸椎，又拉扯佢隻手、撕扯嘴巴，甚至連馬蓉媽媽都受到襲擊，額頭紅腫一同送院。
由於根據法院判決，離婚後兩人所生嘅一對子女，每個周末都可以回馬蓉屋企留一日。而據馬蓉所述，王寶強本周未徵得她同意下帶孩子外出。噚晚馬蓉去接孩子時，二人發生了衝突。馬蓉一度報警，警察到場處理後離開。但到凌晨，王寶強同馬蓉再次嗌大交，馬蓉再報警稱「王寶強揚言要殺我」，警察再度到場調解。
而於警察在場情況下，王寶強跟4、5個同伴對馬蓉暴打，警察從客廳一直攔阻到睡房，但都攔唔住王寶強。據馬蓉表示，王寶強帶頭打佢，幾個人壓喺佢身上，向其拳打腳踢，其後馬蓉被警方送往醫院治療。
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|