網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年12月2日 星期日

【爆相爆片】拒回答栢芝生仔傳聞 霆鋒台灣撇王菲會中女 __,張栢芝,爆相爆片,王菲,謝霆鋒,

霆鋒與靚女張鈞甯一齊拍《鋒味》。 (讀者提供圖片/互聯網圖片)
張栢芝最近驚傳秘密生仔,《蘋果》收到消息佢上月25日喺養和生咗第三個仔(新聞連結:https://bit.ly/2re1SJF),BB爸爸有傳係曾經同 ...


張栢芝最近驚傳秘密生仔,《蘋果》收到消息佢上月25日喺養和生咗第三個仔(新聞連結: https://bit.ly/2re1SJF ),BB爸爸有傳係曾經同栢芝傳過緋聞嘅新加坡富豪。



栢芝傳再生仔,前夫謝霆鋒自然成為傳媒追訪目標,不過霆鋒大前日喺香港被《蘋果》追問時就封口唔答。(新聞連結: https://bit.ly/2ABrdBm )



原來噚日霆鋒已經身在台北拍飲食節目《鋒味》,而巧合地,霆鋒世紀復合女友王菲,原來亦身在台北,同好友邱瓈寬及經理人陳家瑛聚會,霆鋒噚日喺facebook甫自己喺台北啲chok相,而寬姐亦喺fb甫自己同王菲及陳家瑛嘅合照,唔少網民都估今次王菲同霆鋒係咪一齊去台灣。



《蘋果》讀者噚日就咁啱喺台北撞見霆鋒,但就唔見王菲喺佢身邊嘅,換成36歲台灣女藝人張鈞甯喺霆鋒身旁。讀者張小姐噚日透過《蘋果》嘅「爆相爆片」報料,話噚日下午喺台北中山區碰見霆鋒同張鈞甯拍嘢。張小姐話:「我同先生下晝1點半左右,發現佢兩個首先喺中山區出現,佢哋一齊行去一間台菜館食台菜,應該係拍《鋒味》,我都係第一次見到霆鋒真人,我哋入唔到去間舖頭,但我哋聽到工作人員話準備去北投一間豆腐花舖拍,我先生係台灣人,知道佢哋去邊間,反正我哋冇乜嘢做,咪即刻落去湊吓熱鬧囉!我哋一早坐埋入舖頭等佢哋。」



張小姐話,佢哋去到現場已經見到大班工作人員set晒機準備拍嘢,霆鋒同張鈞甯大慨2點半去到現場,讀者張小姐同丈夫一早坐喺堂食其中一張枱,所以清楚影到霆鋒。睇番啲相同片,未拍嘢前霆鋒戴住黑超,到roll機時霆鋒除低副黑超,佢手指指同張鈞甯喺度揀食乜嘢,之後一個人捧住兩大碗甜品同張鈞甯開餐,拍攝其間霆鋒笑笑口好開心咁款。讀者話工作人員猛叫現場市民唔好影相,但因為圍觀人太多,工作人員都阻止唔嚟。張小姐又話,霆鋒同張鈞甯拍到下午4點半離開,之後應該轉地方繼續拍攝。



【編輯推介】



【霆鋒都喺台北】王菲現身台灣 同好友邱瓈寬食鐵板燒

https://bit.ly/2Pf94P4



【潮男變暖爸】孖老婆返台 余文樂熟手o氹仔

https://bit.ly/2FRwVVM



【真話唔講得】上月先輸俾袁偉豪 馬國明頒獎禮前認叻:似帶住班盲嘅跑手

https://bit.ly/2E9n4ZP



【億萬千金】Victoria小蠻腰目測僅22吋 身材fit過媽咪葉玉卿

https://bit.ly/2AE3xwj



【我要聽古天樂唱歌】自己得唔得都冇所謂 容祖兒:將女歌手嗰票投埋畀佢

https://bit.ly/2E6DuSF



精選娛聞,喺晒《娛果》

http://fb.com/appledailyent



霆鋒與靚女張鈞甯一齊拍《鋒味》。 (讀者提供圖片/互聯網圖片) 霆鋒開工,有一大班工作人員跟住,好有氣勢。(讀者提供圖片) 霆鋒開工,有一大班工作人員跟住,好有氣勢。(讀者提供圖片)
唔使埋位,霆鋒都係戴住黑超。(讀者提供圖片)

唔使埋位,霆鋒都係戴住黑超。(讀者提供圖片)
霆鋒去到一間豆腐花舖拍攝。(讀者提供圖片)

霆鋒去到一間豆腐花舖拍攝。(讀者提供圖片)
拎住兩碗豆腐花(讀者提供圖片)

拎住兩碗豆腐花(讀者提供圖片)
張鈞甯(讀者提供圖片)

張鈞甯(讀者提供圖片)
霆鋒無時無刻都咁Chok,手經常插褲袋。(讀者提供圖片)

霆鋒無時無刻都咁Chok,手經常插褲袋。(讀者提供圖片)
(讀者提供圖片)

(讀者提供圖片)
王菲噚日亦身在台灣,約邱瓈寬同陳家瑛食飯。(fb圖片)

王菲噚日亦身在台灣,約邱瓈寬同陳家瑛食飯。(fb圖片)
栢芝近日傳生第三個仔,但一直神隱未有現身。(互聯網圖片)

栢芝近日傳生第三個仔,但一直神隱未有現身。(互聯網圖片)

鍾意就快D Share啦!