掃呢頁CODE去手機

2018年12月23日 星期日

【當年賣肉救父】點老豆做龍友喪影42吋長腿 高海寧買重保險養全家 __,高海寧,

咦?「咪神」高Ling指指點點,究竟話緊邊個呢?呢個又踎低,又低炒嘅,唔好以為係fans喎!係佢老豆黎架!哦!原來高Ling唔滿意老豆影得佢對腳唔夠長 ...




咦?「咪神」高Ling 指指點點,究竟話緊邊個呢?呢個又踎低,又低炒嘅,唔好以為係fans 喎!係佢老豆黎架!哦!原來高Ling唔滿意老豆影得佢對腳唔夠長咁話喎!

11 年,高Ling 老豆因為喺女人街擺檔賣假貨被捕。為咗養家,咁多年高Ling 都好識善用佢嘅34 D 搵食「架生」,成功殺出血路。而家keep 住有劇拍,又有工開,收入穩定,高Ling 正式脫貧,仲上埋車買到第一舊鏄頭。

呢日《壹仔》咁啱撞到一身貴婦look 嘅高Ling ,同埋阿爸、阿媽約咗個保險經紀傾合約。一行五人喺餐廳揀咗個露天位黎坐。阿媽掛住同保險經紀係咁傾,高Ling 就拎住份合約睇完又睇。阿爸又好緊張咁睇埋一份,確保份合約冇錯,先俾阿女簽名。高Ling 簽完一份又一份,之後又輪到老豆簽。

唔經唔覺,由天光傾到天都差唔多黑,終於搞掂!臨走嗰陣,保險經紀都把握機會,搵「咪神」集下郵先!趁住個View咁靚,之後高Ling 自己都影返輯「女神」相。睇下高Ling 老豆為咗影阿女條42 吋長腿,又彎腰又踎低,去捕捉最靚角度,真係辛苦晒雖然老豆好落力,不過高Ling 都似乎唔多滿意喎!喂!體諒下老豆唔係專業龍友先得架!不過冇計高Ling 呢幾年搏晒命咁搵錢,仲搞到俾人話賣肉養家。挨咗足足十年,而家都總算捱出頭,做老豆嘅就梗係阿女話乜就乜

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

鍾意就快D Share啦!